影片
更多
2019-07-28
3062 浏览
一直想试粥底火锅🍲好耐，同同事倾开偈知道长沙湾有两间都好出名食呢样嘢，由于同事已经试过另一间，所以就决定试吓喜点，而且可以用OpenRice订位好方便，仲有牛小排送添～👍🏻👍🏻放工6点半准时去到唔多人，冷气充足，我哋五个人被安排坐咗张八人圆枱，好阔落。我哋已经决定咗系食粥底锅，所以主要系拣食乜配料，不过真系好花多眼乱🙈。一开始就拣咗酱油先～首先，系要拣海鲜，要龙虾🦞($258)定系肉蟹🦀($198)好呢～其实2样都想食，但最终有同事帮手决定要肉蟹😚。海鲜仲有贝壳🐚盘(餐Set好嘅)，另外5款就要咗鲍鱼、马刀贝、黄金蚌、蚝同大尾鱿。嚟到嘅海鲜盘真系超丰富😍😍，但老实讲已经唔系好分到边只贝打边只贝😅。佢嘅份量系按人头比嘅，一啲都唔孤寒～🦀蟹系第一样上嘅海鲜(每人半只)，同🌽粟米一并落锅先，锅底一开始就比较清淡。佢有个教学每样嘢渌几耐，一开始我哋好乖有跟足，但后尾愈嚟愈饿，有时又挂住食，所以放弃跟佢个时间随心渌熟就食🤣。佢个蟹估唔到咁鲜甜，唔系好大只，但好厚肉，佢有个夹俾你拆肉食蟹钳👍🏻。啲贝类系几好味，有大有细，好鲜又够爽口，无沙，但可以唔使叫太多贝，因为都比较似。鲍鱼唔错好弹牙，而个原只
首先，系要拣海鲜，要龙虾🦞($258)定系肉蟹🦀($198)好呢～其实2样都想食，但最终有同事帮手决定要肉蟹😚。海鲜仲有贝壳🐚盘(餐Set好嘅)，另外5款就要咗鲍鱼、马刀贝、黄金蚌、蚝同大尾鱿。嚟到嘅海鲜盘真系超丰富😍😍，但老实讲已经唔系好分到边只贝打边只贝😅。佢嘅份量系按人头比嘅，一啲都唔孤寒～
89 浏览
0 赞好
0 留言
72 浏览
0 赞好
0 留言
🦀蟹系第一样上嘅海鲜(每人半只)，同🌽粟米一并落锅先，锅底一开始就比较清淡。佢有个教学每样嘢渌几耐，一开始我哋好乖有跟足，但后尾愈嚟愈饿，有时又挂住食，所以放弃跟佢个时间随心渌熟就食🤣。佢个蟹估唔到咁鲜甜，唔系好大只，但好厚肉，佢有个夹俾你拆肉食蟹钳👍🏻。
啲贝类系几好味，有大有细，好鲜又够爽口，无沙，但可以唔使叫太多贝，因为都比较似。鲍鱼唔错好弹牙，而个原只鱿鱼🦑就出奇哋正，好鲜好脆。蚝我就无食喇，因为本身就唔钟意，但见到渌完变咗好细。😂
其他火锅配料可以拣8样，我哋要咗美国肥牛、鱼片头、手工牛丸、油麦菜、蟹籽虾滑、蟹肉墨鱼滑、西洋菜饺同即炸响铃。虽然唔系任食，但绝对够饱😝，佢丸呀饺呀果啲每人会有2粒👍🏻。
26 浏览
0 赞好
0 留言
🐄牛肉前前后后有3大碟，一碟系订枱送的牛小排、一碟系跟粥餐嘅美国极上牛小排同埋配料拣嘅美国肥牛。有2碟个样比较似，但食食吓已经分唔到边碟打边碟🙈，不过每碟都好有牛味，好好食，唔会好细片同纸咁薄，食完系好有满足感。
43 浏览
0 赞好
0 留言
蟹籽🦐虾滑同蟹肉墨鱼🐙滑各有2大嚿，再自己刮落去，每人食到好多粒，2样好好味，好爽口最钟意佢有啲蟹籽有爆酱嘅感觉😆。西洋菜饺同手工牛丸🍢每人有2粒，真系会食到好饱。呢2样都好高质，个牛丸系好juicy的，唔会干憎憎，而西洋菜饺🥟真材实料食到西洋菜👍🏻。
37 浏览
0 赞好
0 留言
即炸响铃店员强调真系即炸的，叫我哋即刻点甜酸酱食，估唔到又真系好好味㖞！！！而渌落去又系另一风味👍🏻。至于鱼片头同油墨菜就真系无咩特别了。
29 浏览
0 赞好
0 留言
食到最后就落埋啲南瓜🎃同芋头粒落去煮一阵，店员会拎埋碗米粥渌落去。由于太多汤，店员会先帮我哋捌走啲汤先煮，虽然个粥比我想像中稀，但真系几甜，如果临尾无加汤，个粥应该会浓啲仲好味🤤。但太饱只系食得一碗。(同事话如果压融埋啲南瓜粒同芋头粒会更美味)
79 浏览
2 赞好
0 留言
另外值得一提系包饮品的，有豆浆、竹庶水同菊花茶等等，都几冰凉几好饮，但就唔包啤酒🍻汽水🥤。成餐真系好满足，每样海鲜同材料都超高质素，而且份量十足，食完捧住个肚走。除咗食物外，餐厅环境好光猛💡好整洁，店员亦好有礼貌好好服务，不断帮我哋加汤，有个姐姐仲特别好笑容😁，又分享佢觉得粥唔落咸菜𠮶啲仲清甜👍🏻。埋单原来有计小食花生钱定酱油钱，所以每人$216全包加一等费用。其实都算系咁，性价比高，任食无咁好食，都唔止呢个价啦。
总括嚟讲，强烈推介喜点粥底火锅🍲，粥底唔错，但更正嘅系佢嘅配料👍🏻👍🏻。我绝对会encore，带呀爸呀妈嚟试吓。
张贴
