影片
更多
2023-04-22
513 浏览
📍《 大班楼 The Chairman 》中环威灵顿街198号The Wellington 3楼之前真系谂都无谂过会有机会试到呢间🤗平时听人讲呢间有几出名几好食，同埋几难book！我哋今次系book咗佢地个lunch set，价钱系$888每位，包咗3样头盘、3款主菜 (1款海鲜/2款肉类)，仲有菜、饭同埋甜品，食到好饱好满足🥹今次好好彩有朋友帮我哋喺网上一早book到位先有得食🙏🏻唔讲真系唔知原来要预早几个月前先会有位book，通常𠮶网址开始接受booking果日嘅一个钟内就会full哂嚟紧三个月嘅位，证明唔少人都觉得呢个价钱可以食到堂堂亚洲第一嘅顶级粤菜，简直系物超所值😉今次👦🏻决定做吓孝子，一于带两老过嚟试吓中式fine dining～▫️ 冻卤水花椒小吊桶酿土鱿🦑个卤水相当入味, 配埋花椒嘅麻香同八角好特别，阵味一啲都唔抢，恰到好处～▫️ 金钱蟹盒🦀好足料，食落去有层次感，配埋甜酸酱食好开胃！▫️ 蟛蜞膏柚皮冬瓜🦀唔讲唔知，蟛蜞膏系一种干净河流先揾到嘅河蟹嘅蟹膏，蟹身只有拇指大小，真系好珍贵同花心机嘅一道菜😙啲蟹膏铺咗喺柚皮同冬瓜件上面，蟹香好浓郁，柚皮同埋冬瓜清香无渣，好夹！▫️ 鸡
中环威灵顿街198号The Wellington 3楼
之前真系谂都无谂过会有机会试到呢间🤗平时听人讲呢间有几出名几好食，同埋几难book！我哋今次系book咗佢地个lunch set，价钱系$888每位，包咗3样头盘、3款主菜 (1款海鲜/2款肉类)，仲有菜、饭同埋甜品，食到好饱好满足🥹今次好好彩有朋友帮我哋喺网上一早book到位先有得食🙏🏻唔讲真系唔知原来要预早几个月前先会有位book，通常𠮶网址开始接受booking果日嘅一个钟内就会full哂嚟紧三个月嘅位，证明唔少人都觉得呢个价钱可以食到堂堂亚洲第一嘅顶级粤菜，简直系物超所值😉今次👦🏻决定做吓孝子，一于带两老过嚟试吓中式fine dining～
▫️ 冻卤水花椒小吊桶酿土鱿🦑
个卤水相当入味, 配埋花椒嘅麻香同八角好特别，阵味一啲都唔抢，恰到好处～
▫️ 金钱蟹盒🦀
好足料，食落去有层次感，配埋甜酸酱食好开胃！
▫️ 蟛蜞膏柚皮冬瓜🦀
唔讲唔知，蟛蜞膏系一种干净河流先揾到嘅河蟹嘅蟹膏，蟹身只有拇指大小，真系好珍贵同花心机嘅一道菜😙啲蟹膏铺咗喺柚皮同冬瓜件上面，蟹香好浓郁，柚皮同埋冬瓜清香无渣，好夹！
▫️ 鸡油花雕蒸花蟹配陈村粉🦀🐤🐚
如果要讲大班楼嘅招牌菜，或者有咩菜式系必叫嘅，相信应该系呢碟啦🤩侍应放低呢碟菜嘅时候，我哋都哗咗一声，卖相同香气真系无得输🤤一上枱就有阵阵嘅花雕酒和鸡油嘅香气，花蟹食落好鲜甜，肉质都几结实，十分新鲜！👦🏻嘅娘亲就觉得花雕味重咗少少，而👦🏻就觉得蘸咗汁食嘅陈村粉仲好食过花蟹😂𠮶汁先所以咁鲜味，系佢哋将新鲜嘅花蟹、鸡、蚬同埋花雕浓缩而成嘅，简直系完美😍
▫️ 樟木烟熏黑脚鹅🪵
我哋一致觉得呢度菜最有惊喜！听侍应讲系将只鹅先蒸后炸，再攞去用樟木烟熏，唔怪得每啖鹅肉都有好浓嘅烟熏香气，啲鹅肉又一啲都唔韧，好高质！仲要份量超级多，我哋食唔哂要打包添😶🌫️
▫️ 梅干菜陈皮扣肉配夹包🐖
食到呢度已经开始饱🤣，个扣肉炆得好腍，好入味！
▫️ 猪皮樱花虾炖菜芯🥬
▫️ 蟹肉鲜虾虾干虾酱炒饭🦐
啲菜芯食落去好嫩同埋无渣，浸住啲落咗樱花虾嘅汤，几香！而碟炒饭有齐哂蟹肉、虾膏、鲜虾同埋虾干，炒得几粒粒分明，唔算好特别不过都好食嘅～
▫️ 甜品三味☕️🍮
压轴嘅甜品分别系杏仁茶、芝麻糕及杞子糕三款，不得不提杯杏仁茶真系好香滑， 连一向唔钟意饮嘅👦🏻都觉得几好饮～
人均消费 $1000-1200
推介度🌕🌕🌕🌕🌗
#hkfood #hkfoodie #hkig #foodie #hkfoodblogger #hongkong #foodporn #hk #food #foodstagram #hongkongfood #hkfoodlover #instafood #foodphotography #foodiehk #hkfoodstagram #foodblogger #hkfoodporn #yummy #hkfoodblog #hkeats #foodlover #hkfoodies #hkiger #hkigfood #igfood #hkrestaurant #foodpic #foodpics #hongkongfoodie #香港美食 #打卡餐厅 #香港必食 #香港好去处 #中环美食 #中环 #中环好去处 #Central #上环美食 #上环 #上环好去处 #SheungWan #Michelin #米芝莲 #中菜 #粤菜 #FineDining #FineDine #BestinHK #AsianTop50 #BestinAsia
张贴
