大班樓 (已搬遷) 新店位置

Item: 大班樓
Rating: 5
Author: Nei bb

The Chairman

335 食记

味道

环境

服务

卫生

抵食

28496

中环

$401-800

粤菜 (广东) 中菜馆少盐少糖食店

268

资讯:
餐厅:	大班樓

为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html

Nei bb

等级4

570

大班楼系香港饮食界名气，已经好多年。早系几年前，因为刚好系附近番工，试过即兴订位无数次，基本上都知道想订即月台系无可能既事。佢上年拎到亚洲50最佳餐厅既第一名，加上米芝莲一星，令到宜家订位难上加难，最近打去已经话到年底前既午、晚市已经全部订满。自己算好彩系年头订假日午市，唔驶两个月已经排得到。
.
大班楼既晚市同平日午市都有套餐，但假日午市，四口子去只可以散叫。其实都无大问题，因为计过价钱套餐比散叫唔系平太多，散叫可以叫自己钟意既野。餐厅有两层但地方唔算大，装修只能话系一般中上茶楼既级数，偏向私房菜格局，二楼其实系阁楼所以楼底唔高都几压迫，所以有得选择坐地下个层比较好。佢有今时今日既名气系因为食物质素而唔系传统米芝莲比较睇重既餐厅环景、格调同服务向，难怪佢曾经跌出米芝莲要到最近先拎番一星。
.
🌼头盘：
1️⃣九层塔辣椒膏炒蚬 💲188
⭐️4/5
呢个价位蚬鲜甜大只系基本要求，汁有好香九层塔+蕃茄味+少少辣，越食越惹味。作为开胃头盘合格有余。
2️⃣龙井菊花熏乳鸽 (两只) 💲336
⭐️3.5/5
烟熏味突出，但唔觉有龙井菊花味。乳鸽皮薄肉嫩，可惜除左香浓既烟熏味，就无其他突出之处。呢道菜相对其他菜式比较平凡，属于可一菜式。
🌼主菜：
3️⃣秘制叉烧 (四人份，需预订) 💲392
⭐️3/5
餐牌无，要订菜时自己问。叫叉烧系因为睇过大厨自己介绍佢地花左几多功夫去整呢一份叉烧，系心机菜所要预订先有。试完觉得质素属合理水平，但计埋价钱就觉得性价比唔算高，都系只属可一菜式。
4️⃣鸡油花雕蒸花蟹配陈村粉(四人份) 💲850
⭐️4.8/5
大班楼名物，每台必点，大家都系冲住呢个招牌菜去。我唔食得蟹只系食左少少评价唔中肯。但大班楼有自家重金礼聘既专业买手负责采购海鲜，所以海鲜质素绝对有保证。4人用蟹份量都好足够，同行者对只蟹都系有赞无弹。花雕鸡油汁有油香亦浓酒香，配搭陈村粉食确系令人一开眼界。美中不足系陈村粉量太少，同埋花雕味有点抢过蟹鲜味。
5️⃣慢煮干葱煀滑鸡 💲188
⭐️4.5/5
无大期望下惊艳菜色，慢煮鸡好滑好有鸡味，上面既有大量浓甜干葱提味，我自己清左一大半。但如果鸡可以更加厚肉就更完美。
6️⃣梅菜蒸芥兰 💲158
⭐️3/5
不过不失，相比各道菜，略为平凡。
饭类：
7️⃣蟹肉糯米饭(需预订) 💲960
⭐️4/5
花蟹系大班楼既招牌，所以提前预订左佢另一招牌菜生拆花蟹糯米饭。一开盖见到爆量既蟹肉，绝不欺场。侍应话我地识拣，糯米饭要花师傅好多时间去炒先有咁干身软糯既效果。
🌻甜品：
8️⃣生磨杏仁茶 💲60/each ⭐️3.5/5
9️⃣桂花杞子雪糕 💲48/each ⭐️3.5/5
杏仁茶出色，自家制桂花杞子雪糕奶味重食唔出桂花杞子味道，属一试系列。
.
🔸埋单连茶加一大约四千，个人觉得系值回票价。由于仲有好多招牌菜未试到，加上已经又开始挂住个花雕陈村粉，已经排左入日程需要二访。