五行 (已結業)

亚sir请食晏，叫我揾间唔好咁多人要等位𠮶啲，咁我就揾咗位于ifc呢间五行拉面喇，我早少少去揾位，等咗一阵就有位喇😁我地一行6人就坐吧枱，先睇睇餐牌，都几多选择，再睇下其他客人食咩，我拣到喇，就系此店嘅招牌面-五行焦香味噌拉面，亚sir话之前食过，会比较油㖞，但我都系想试下上菜时卖相吸引，黑色碗黑色汤（油）加上彩色配料，感觉高雅，未放入口已经加分。首先饮一啖汤，味道非常浓郁，据说黑色油系几种味噌加洋葱、蒜，肉碎大火爆炒而嚟，需然唔系好健康，但的确非常香浓，汤头好有焦香镬气味，在香港拉面店未有试过这味道。叉烧半肥瘦，未至于入口融化，但都好滑，味玉几入味👍，我跟餐加咗吞拿卷，吞拿鲜滑加上葱花真系好好食！由于有人好大食话唔够饱😂😂😂于是叫多6件赘沢卷，我都唔执输食番件😂😂，海胆无怪味，好鲜甜，搭上三文鱼子同吞拿蓉，加上醋饭，一齐放入口，简直觉得条脷都开心到跳舞🤣🤣，非常满足嘅一个下午💗