小白鷺餐廳 (已結業)

适逢重阳节假期, 特意跟男友驾车黎小白鹭餐厅食个午饭, 因为佢话晏昼黎睇个环境好一点, 夜晚因为太黑, 只能够黎餐厅食野, 唔可以周围行。预左假期好多人, 等左廿分钟至有位, 原来只有Lunch Set叫, 但都算贵, 每个Set都要百六蚊起,甜椒味牛仔骨六成熟牛仔骨, 有两大块牛仔骨, 份量都足够, 肉质多汁唔干, 亦唔多筋, 甜椒汁有少于辣但味道唔错。蒜蓉汁肉眼扒虽然我只要四成熟, 但最后都出左六成熟, 我都明白四成系几难控制, 不过六成熟既肉眼扒都唔错, 起码唔干唔硬, 我好怕熟之后会鞋同太韧, 肉质松软, 还有少少血水..正 薯条都还算新鲜, 但我反而欣赏系伴碟上既温室菜苗.. 不过以价钱略贵, 如果唔系食埋环境既, 其实有大把选择..而且服务就麻麻, 都系要叫至会拎水, 拎茄汁, 咪我同男友坐左5分钟, 台上面都只系得张餐台纸不过餐厅外既风景系几好, 远望会见到火车经过, 下面有一个湖, 有不同既水上单车同船仔可以玩。同男友用左$50玩左半个钟水上双人单车, 欣赏四周环境同晒日光, 真系好写意既。