夜。鐵板燒

人愈大就会发现人生其实好短暂😟，当你有能力享受嘅时候，就应该对自己好啲同对身边嘅人好啲🫂，所以慢慢开始会对食讲究咗，要食返啲好嘢对自己好啲☺️，所以前排带咗男朋友嚟尖沙咀嘅🛑夜～铁板餐🛑，餐厅除咗食铁板餐其实仲有厨师👩🏾‍🍳发板。我哋拣咗枫🍁，入面有前菜，15 种寿司，汤同埋甜品。每一道都非常出色👍🏻👍🏻👍🏻👍🏻，刺身嘅鲜味，寿司师傅嘅刀工🗡️，令你会觉得人生本来就应该如此享受💆🏻。寿司饭🍚其实系寿司🍣嘅精髓，就算刺身几咁好，但如果寿司饭稍有差池，所有嘅上等嘅刺身食材都只会被糟蹋🤦🏽‍♀️。北海道鲛鲽鱼爽脆弹牙，配上完全湿度💦温度🌡️，醋糖比例，两个字「完美」💯。另外帆立贝配上酸酸甜甜嘅柚子青柠🍋汁，令帆立贝份外鲜甜😽。幼薄嘅小肌上面放住一片白板昆布，昆布嘅咸鲜特显咁小肌嘅鱼香。而入口即化嘅海胆带住啖啖嘅海水味，入口后海胆留落黎嘅甘甜更加令人感动😿。美食同爱你嘅人一样，要好好珍惜🫶🏻。