ALIVE EATERY by Alive Food (已結業)

深水埗有好多cafe，千拣万拣终于拣咗Alive Eatery。想食sourdough嘅我，结果俾lunch set吸引咗，$158有main+drink，仲可以拣要汤定甜品，咁抵食冇理由唔食佢，下次返嚟再食sourdough～舖头座位唔多，得15个左右，late lunch时间都有三四枱食lunch。听到佢可以提供wifi，不过网速偏慢*Main 啤酒意大利走地春鸡 (+$10)半只春鸡炸到黄金色，配菜仲有细萝卜同薯角。春鸡肉质非常嫩滑，连鸡肉都好juicy好入味。冇啤酒味，大概系因为酒精因高温蒸发晒，反而酱汁有惊喜，面头系青酱，带浓烈嘅蒜香，春鸡底有另一种汁，有啲似打边炉自制沙嗲酱😂咸香十足，但有啲油。意式×港式(?)酱汁好夹好有惊喜。Dessert 无麸质合桃朱古力布朗尼蛋糕配朱古力酱布朗尼 size唔细，蛋糕扎实湿润，唔会太甜。蛋糕嘅朱古力味本身已经好香，加埋面头嘅朱古力酱，朱古力味更加香浓，食完好想再食。Latte (原价 $40)拉花好IGable❤️但咖啡味淡，而且唔够醇厚。