Forever 友緣西餐 (已結業)

元朗千色后面比我发现呢间咁隐蔽嘅西餐厅。见佢好似坐得几舒服咁，就入去试一试。餐厅气氛做得几足，一坐底就有人帮你点烛光，仲有welcome drink。落完order，waiter 话今日有优惠，加一蚊有只焗芝士大啡菇，见佢咁抵，当然叫番只试下。芝士竟然用左两款，一种就做拉丝效果，一种就有少少酸味，令到食落去有两种感觉。特别推荐安格斯牛扒，而且有浓浓嘅牛肉味，叫左五成熟，绝对唔会over cook，值得一赞有埋芥末酱，感觉腻腻地嘅时候可以点一点。友人叫左黑毛猪鞍扒，好厚，煎到入面岩岩好粉嫩色，好考厨师嘅功力，所以食落去唔un。最后叫番个甜品就完满，菠萝雪芭帮你清清成个口嘅肉味，好清新。因为雪芭系唔会落奶，用新鲜嘅生果整成冰沙咁，所以绝对唔系色素加糖水嘅混合体。