影片
更多
2017-07-10
1665 浏览
周末嘅科学园格外宁静，适逢今日呢度有个慈善跑步比赛，所以专诚入嚟为朋友打打气，加加油。赛事六点先开始，运动健儿都仲未开始集合，只见工作人员都系布置紧场地同准备摊位游戏中，所以四周都好清静。两点半钟嚟到科学园，行咗阵揾食，就拣咗呢间餐厅 - YaYoi 花见月。餐厅以白色布置为主调，有两边的落地大玻璃，天花亦系以玻璃建造，采光度十足，份外明亮。咁靓嘅环境，舒适宁静咁叹一个午餐，舒心!呢度冇下午茶餐，亦都冇午餐，但系就有好多定食选择，所有套餐应该系全日供应冇分时段，可以话系全日餐。饮品选择亦唔少:花见月全日早餐＄128 - 日本广岛香蛋(太阳蛋、反蛋或炒蛋)、鸡骨肠、烟熏黑豚肠、英国早餐肠、牛肉薯饼、明太子鸡翼、野菜沙律、牛油粟米、酱油野菌、牛油多士。卖相几靓，好大份最特别嘅系明太子鸡翼，鸡翼去晒骨，表面香脆，入面酿满晒明太子，好花心机。一啖咬落去，咸咸辣辣，好惹味。一只太少，多一只就好喇牛肉薯饼外脆内软，仲热辣辣。炒日本广岛蛋，蛋味特别香，但就略嫌太熟冇乜蛋汁。套餐可以半价换购所有饮品，全日早餐最好配返杯咖啡，Cafe Tiramisu意式芝士饼珈琲$21。拉花好靓，朱古力味同咖啡味都好
餐厅以白色布置为主调，有两边的落地大玻璃，天花亦系以玻璃建造，采光度十足，份外明亮。
咁靓嘅环境，舒适宁静咁叹一个午餐，舒心!
呢度冇下午茶餐，亦都冇午餐，但系就有好多定食选择，所有套餐应该系全日供应冇分时段，可以话系全日餐。
饮品选择亦唔少:
花见月全日早餐＄128 - 日本广岛香蛋(太阳蛋、反蛋或炒蛋)、鸡骨肠、烟熏黑豚肠、英国早餐肠、牛肉薯饼、明太子鸡翼、野菜沙律、牛油粟米、酱油野菌、牛油多士。卖相几靓，好大份
最特别嘅系明太子鸡翼，鸡翼去晒骨，表面香脆，入面酿满晒明太子，好花心机。一啖咬落去，咸咸辣辣，好惹味。一只太少，多一只就好喇
牛肉薯饼外脆内软，仲热辣辣。
炒日本广岛蛋，蛋味特别香，但就略嫌太熟冇乜蛋汁。
套餐可以半价换购所有饮品，全日早餐最好配返杯咖啡，Cafe Tiramisu意式芝士饼珈琲$21。拉花好靓，朱古力味同咖啡味都好浓，相互配合，正。
海胆特上杂锦刺身定食＄238，配珍珠米饭、面豉汤、两款前菜。
海胆、北海道帆立贝、三文鱼、吞拿鱼……共七款时令刺身，摆碟精美，但份量唔多。
定食原本包咖啡/茶/汽水，但亦可以半价换购所有特饮。柠檬热情果茶$15，闻起黎好香甜，唔驶再落糖，饮落甜度适中。
店员都好好态度好有礼貌。优惠方面，科学园员工有九折优惠，另外亦有泊车优惠，食$200有两个钟免费泊车; 食$400蚊就有四个钟头喇。唔驶去新城市度同人迫，又要等车位又要等枱，间中嚟科学园享受宁静，嚟个舒适午餐，都几正架。
张贴
