名 料理 (已結業)

返工chur左成日，难得早放，入咗大美督叹吓下午茶。位置就系大美督烧烤场附近，喺龙尾村转入去靠左有个好明显嘅招牌叫「名 料理」。呢度地方空旷，感觉放松，餐厅门口有得泊车，非常方便。热辣辣嘅「烧鸡泡鱼干」作为头盘简直一流，又香又有咬口，食落甜甜地，好岩小朋友食。「蟹味噌甲罗烧」斋睇卖相就已经100分。佢加左生鹌鹑蛋，捞埋落蟹柳，蟹子，葱花，蟹膏，唔单止只令味道更鲜甜，仲丰富左成个口感，而且你唔会觉得个鲜味被盖过，因为有蟹味噌同酒吊返个蟹膏味出黎。「炸日式芝麻鸡翼」大人细路都一定好中意。外皮加左芝麻，香口得黎又够脆，仲带点甜味！咬落去肉质嫩滑，想encore!!另一款，「烧明太子鸡翼」嘅口感同味道就好唔同，鸡翼入面酿左啲明太子，有啲啲辣味。「清酒煮蚬」最岩天气凉凉地食，好香清酒味，食到有种热血沸腾嘅感觉，仲令蚬肉嘅鲜味大大提升。「烧牛俐串」洒上粗胡椒，配上鲜柠檬汁，非常开胃。最后食埋个「黄金海胆炒饭」作结尾，你见佢咁足料，就知我食得有几满足啦。配埋啤酒绝对系人生一大乐事。佢嘅价钱都好亲自，都推廌比大家黎哩到食下野，放松下。