影片
更多
2011-03-17
69 浏览
Yola birthday ~ 谂左好耐，就决定黎半岛一试啦，系众多餐厅中，就拣左 Chesa 喇 ~系全港历史最耐既半岛酒店入面其中一间瑞士餐厅，地方比顶期中细，只有约十张枱，因望不到窗外，所以无咩景观可言 ~ 不过装修特别，恰似置身于瑞士既民居之中，大部份都系用木建成，如果加多个壁炉就更加似。灯光柔和浪漫，坐得舒服。侍应们服务都算殷勤周到，从入门口、order、打点进餐到结账都系满意既 ~ 慢慢叹，食足两个半小时，好舒服满足 ~Menu 只得法文同英文，免强睇得明啦，不妨问问侍应有咩好介绍、招牌菜会更有较率。Waiter 称因菜式实在太多，所以未能尽录于 menu 上，如果有咩想食，又揾唔到的话，可以直接问佢地啰。每张枱都放置支巨洋烛，我想系用黎替代烧香烛计时，支蜡烛烧完就要埋单交枱架喇，不过讲吓笑啫，哈哈。有四种唔同口感同味道既餐前包，可能法国、瑞士都习惯食啲又冻又硬既面包，但我都系偏向喜欢热腾腾、香啧啧又软棉棉既面包。试晒咁多款，只有右下角的全麦包最香最好味，虽然都系有啲亁硬。crab meat pancake 鲜蟹肉班戟，真系鲜拆蟹肉，绝唔系啲雪藏或罐货，一试难忘，味道鲜甜可
系全港历史最耐既半岛酒店入面其中一间瑞士餐厅，地方比顶期中细，只有约十张枱，因望不到窗外，所以无咩景观可言 ~ 不过装修特别，恰似置身于瑞士既民居之中，大部份都系用木建成，如果加多个壁炉就更加似。灯光柔和浪漫，坐得舒服。侍应们服务都算殷勤周到，从入门口、order、打点进餐到结账都系满意既 ~ 慢慢叹，食足两个半小时，好舒服满足 ~
Menu 只得法文同英文，免强睇得明啦，不妨问问侍应有咩好介绍、招牌菜会更有较率。Waiter 称因菜式实在太多，所以未能尽录于 menu 上，如果有咩想食，又揾唔到的话，可以直接问佢地啰。每张枱都放置支巨洋烛，我想系用黎替代烧香烛计时，支蜡烛烧完就要埋单交枱架喇，不过讲吓笑啫，哈哈。
有四种唔同口感同味道既餐前包，可能法国、瑞士都习惯食啲又冻又硬既面包，但我都系偏向喜欢热腾腾、香啧啧又软棉棉既面包。试晒咁多款，只有右下角的全麦包最香最好味，虽然都系有啲亁硬。
crab meat pancake 鲜蟹肉班戟，真系鲜拆蟹肉，绝唔系啲雪藏或罐货，一试难忘，味道鲜甜可口。足料蟹肉用嫰滑班戟卷上再配以龙虾汁，好美味。
香煎鹅肝配石榴汁，鹅肝厚度适中，虽然本人较为贪心，梗系有咁厚得咁厚就最好啦，哈哈。煎得表面香脆，里面 creamy，上等鹅肝非常油润嫰滑，配以带酸甜既石榴汁，可略为减轻油腻感，整体黎讲都好有水准。我喜欢厚切鹅肝多啲，配少少黑腊，与法包或白面包同起等别冶味。
龙虾汤，我到每一间餐厅都会必试既汤，可以试到餐厅既质数。汤底质感都好滑，达标，味度够浓又唔会话过咸，香气十足而且温度刚好，好味道。如果可以热少少就更好喇。
意大利意米汤，好鲜甜可口，清香宜人，必试。
沙律，跟羊架既 side dish，新鲜爽口，无咩特别。
烤羊架，我觉得五成熟最正，烤出香味，又唔会太生，肉质鲜嫰，肉味浓，肉汁丰盈，无得弹，最细心既系已经张羊架中间条骨去左，咁就唔洗损条骨咁无仪态啦，可以一啖咬落去，好满足啊 ﹗伴碟时蔬美味，只略烚可保持原味，非常鲜甜。
法式白汁牛仔肉配薯饼，因见 menu 上面无牛，所以问吓 waiter 有咩好介绍，但 rib eye 或 fillet 又较为普通，最后决定依个。未放上枱已觉得熟口熟面，原来上次系另一间瑞士餐厅已试过，不太啱口味，今次都系同出一彻。依味菜特色系牛仔肉全熟，口感略靭，牛味不太熟，反而著重系个香浓白汁上，真系没有她不成。香浓既白汁好香好浓好杰，捞上牛仔肉及薯饼同吃真系互补不足、变得非常可口。
西班牙冻汤，唔好以见到头几味头盘同主菜细细碟无咩野落肚咁，其实已经饱到九成几，所以决定唔叫甜品，想饮个冻汤清清口腔，刚才又鹅肝又羊又牛，样样都几浓吓。见 menu 上今次又无提供，咁又要问吓 waiter 哥哥啦，今晚只能做到西班牙冻汤，无问题，梗系要试试啦。银器具，下面系冰镇上面系汤，蕃茄味香，饮到有啲西芹同洋葱味，味道好清新，真系可以清一清刚才浓烈既肉味，好正呀。
免费既饭后甜点，三款朱古力，有朱古力包住香橙干，好劲橙味同糖味。有雪山形朱古力，顶部系白朱古力，里面包住软朱古力，依个正呀。最后系朱古力姜饼，咽咽靭靭，麻麻。
张贴
