水木日本料理 (已搬遷) 新店位置

好耐之前来食过日本菜觉得几好，今次有客人嚟到就带佢哋嚟食饭！我哋一开始就叫一啲小食，呢个系八爪鱼蛋，口感好弹牙，甜甜地几好食！另外叫咗一份烧明太子，明太子本身比较浓味所以用青瓜嚟隔开，就冇咁咸，食落好香口，如果用来佐酒一流 ！呢一个系日本豚肉沙律，豚肉好甜，一啲都唔韧！下面嘅新鲜生菜用日本芝麻酱汁包住，好开胃！而且好多汁！粟米亦都好甜 ！刺身五点包括左牡丹虾，日本大带子，三文鱼，手钓甘目鲷，𩽾康鱼肝，油甘鱼。全部刺身都非常新鲜亦都好肥美！特别系手钓甘目鲷！又弹牙又甜！鱼皮轻轻被烧焦，有小小焦香！带子劲甜！比较特别嘅系𩽾康鱼肝！黑松露蒸蛋好滑，一打开个盖就已经闻到阵阵黑松露香气！绿茶冷面好啱夏天食，一啲都唔漏，每啖面条都有阵阵绿茶香！几特别。最后尾呢一个咖啡雪糕好有意外惊喜！雪糕好香好滑，咖啡味亦都好浓厚！中间仲有少少咖啡味啫喱！食落有唔同嘅层！好香好好食！今次食过，客人都赞好！下次一于嚟试吓佢嘅午餐！