Jazz Cafe (已結業)

五月份嘅天气热得有点反常。𠮶日中午，我地喺荔枝角办完事，去咗一间相对宁静嘅餐厅，享受我地嘅午餐。呢间Jazz Café位于一栋唐楼嘅楼上二楼，位置非常隐蔽，但系当你去过之后，就会识得再去架喇。日常生活节奏急促，有时都好想放慢脚步，慢活一下。呢间餐厅就可以俾到我有呢种感觉。入到去，盏水晶灯令到室内嘅光线变得柔和，播放住轻松嘅音乐，真系好relax呀！我地坐低后点咗两份午餐，配以炖汤同餐饮。两款主菜，龙脷鱼柳同黑豚肉好嫰滑，拎上枱时热辣辣。埋单仲唔驶加一服务费添，非常抵食！有时约埋三五知己上嚟食吓嘢，倾吓偈，都唔错呀！