Barg (已結業)

琴晚激嬲A姐，所以今日揾间餐厅氹吓佢开心先得！特登揾咗呢间位于铜锣湾嘅Barg，除咗餐厅有情调，环境座位非常舒服之外，但重点系价钱唔算贵，而且食物有质素，听讲食物好味会令人心情靓啲，咁A姐就唔会嬲我啦！橄榄蒜油餐包一坐低，店员就会奉上矿泉水同餐包，餐包会烘番热，所以够香脆软熟！配餐包唔系用牛油，反而用上蜡烛烘热住嘅橄榄蒜油，保持温度同香味。意式白酒煮蚬扁意粉啲蚬好大只呀！而且份量一啲都唔少，数埋有12只，蚬肉厚身，涨卜卜非常肥美！扁意粉挂满汁，带有淡淡酒味，但又唔会太抢，整体嚟讲，非常creamy！烤德国咸猪手猪手预先切开碎上，所以食嘅时候非常方便！猪手皮炸到脆卜卜，至于肉质非常嫩滑甘香，整体嚟讲唔会太肥。如果怕腻嘅，可以连埋伴碟嘅酸菜同苹果蓉一齐食，就更加滋味。