8090 好時光 (已結業)

好多年前成日同妈咪去天水围既颂富商埸行街，大左都无乜点去，最近听朋友讲个到翻新左，而家叫T Town，仲开左好多新餐厅，一于去睇下有咩好野食。行下行下，见到一间好有台式cafe风味既餐厅，连个名都好文青feel，超钟意去台湾既我就决定左入去试试！餐牌好多选择，有饭有面有小食，甜品都唔少！由于个日唔系好想食饭面个类，所以叫左d小食同甜品就算～小食方面叫左盐酥花枝小丸子、黄金煎饺子同埋紫薯饼。盐酥花枝小丸子超大粒，炸得好香口，咬落好多弹性，盐味唔会太重岩岩好，仲好食过系台湾淡水个d炸左好多既花枝丸！黄金煎饺子都大大粒，入面好多馅，咬落去d汁弹哂出黎，juicy～而我最钟意既就系个紫薯饼，本身以为得2件，点知有成4件，一咬落去热辣辣，d紫薯馅多到唧哂出黎，成个口都系紫薯味，食多两件仲好饱肚tim～ 但又一d都唔济bor！！ 未试过系其他地方食到咁高质既紫薯饼！我呢个紫薯控超满足！最后叫左个甜品：杨枝甘露，呢到既杨枝甘露就稠左少少，但入面好足料，食落啖啖芒果，好香又唔会太甜，我都觉得唔错的，可以一试！最重要系呢度环境好舒服～好休闲，食晚餐一流！