塚田農場

营业中

休息中

今日去左尖沙咀行街，唔知食咩嘅我发现咗一间装潢几雅致嘅餐厅，冢田农场，就决定入去呢度食Lunch。呢间餐厅位于海港城海运大厦2楼，喺呢度食Lunch可以睇到一望无际嘅海景，位置舒适，环境一流，能够享受到非常正嘅气氛。我叫咗佢哋嘅Lunch Set，炭烧黑萨摩走地鸡御膳。Lunch Set入面包括咗黑萨摩鸡肉、沙律、天妇罗、味噌汤同埋米饭。首先食沙律，啲沙律菜几新鲜，开胃又好食。之后饮味噌汤，味道唔会好咸，几好饮。之后食咗虾天妇罗，天妇罗非常香酥松脆，大虾味道丰盈，鲜甜又多汁，沾咗酱汁令天妇罗嘅味道更加丰富，十分美味。最后就系炭烧黑萨摩鸡，鸡肉来自鹿儿岛嘅黑萨摩鸡，冇鸡肉嘅雪味，肉质弹牙柔软，鸡肉够瘦无咩脂肪，仲有微微嘅炭香味，非常好食。