影片
更多
2021-04-06
350 浏览
最近赶公司project，晚晚加班到好夜，难得有连续几日嘅嘅长假，虽然唔飞得住，都想离开巿区放松心情，就去咗东涌坐缆车去昂坪行吓。晚餐都想延续返呢个relax mood，我哋就拣咗新开嘅东涌Sheraton里面嘅The Upper Deck Bar & Grill。由东涌缆车站行过去都系15分钟左右，上到露天平台已经听到音乐声，原来有几间酒吧餐厅喺度，顿觉远离烦嚣。餐厅就系平台嘅最里面，座位宽敞，坐得舒适，播住经典英文歌，水吧对出有张桌球枱，一位外籍爸爸教紧佢囝囝打波，过程轻松搞笑。先嚟两杯cocktail，【The Upper Deck’s Martini】以伏特加酒，注入蜜瓜、罗勒、柠檬马鞭草同peach bitters制作，酒味同鲜果味平衡；另一杯【Gin cooler】以Gin酒配泰国青柠叶、青瓜、青柠、香茅同苏打水，充满东南亚风情。两杯cocktail都好适合呢个氛围去饮，cheers~跟住就到starters～【Maryland Crab Cake】吉列蟹肉薯饼，入面好多蟹肉唔系揸流摊；个酱好有特色，用新鲜香草、芒果沙沙同墨西哥辣蛋黄酱调配。【Fresh Raw Oyste
晚餐都想延续返呢个relax mood，我哋就拣咗新开嘅东涌Sheraton里面嘅The Upper Deck Bar & Grill。由东涌缆车站行过去都系15分钟左右，上到露天平台已经听到音乐声，原来有几间酒吧餐厅喺度，顿觉远离烦嚣。
餐厅就系平台嘅最里面，座位宽敞，坐得舒适，播住经典英文歌，水吧对出有张桌球枱，一位外籍爸爸教紧佢囝囝打波，过程轻松搞笑。
先嚟两杯cocktail，【The Upper Deck’s Martini】以伏特加酒，注入蜜瓜、罗勒、柠檬马鞭草同peach bitters制作，酒味同鲜果味平衡；另一杯【Gin cooler】以Gin酒配泰国青柠叶、青瓜、青柠、香茅同苏打水，充满东南亚风情。两杯cocktail都好适合呢个氛围去饮，cheers~
跟住就到starters～
【Maryland Crab Cake】
吉列蟹肉薯饼，入面好多蟹肉唔系揸流摊；个酱好有特色，用新鲜香草、芒果沙沙同墨西哥辣蛋黄酱调配。
【Fresh Raw Oysters】
即叫即开生蚝，细只咗少少，不过劲fresh；调味汁有香醋汁、鸡尾酒酱汁及柠檬角，各有风味。
主菜
【Hanger Steak Prime 7oz】呢度亦有熟成牛肉食～跟一款配菜同酱汁。配菜叫咗松露芝士通心粉，上面一层烤焗松脆芝士粉，好正～熟成牛肉肉汁丰富鲜嫩，我哋配阿根廷青酱，味道清新，同牛肉好夹。
【Seabass】香煎鲈鱼柳，配美式粟米沙律，酱汁系甲壳海鲜酱汁。虽然系用煎但食出嚟好似烤出嚟咁香，鱼肉劲嫩滑，鲜味十足。
美食+轻松惬意嘅氛围，美好嘅时光～今日过得好愉快～
张贴
