農場鮮奶有限公司

营业中

休息中

难得细佬今日放假，可以带我同屋企人去偏远少少既地方郊游。今次就去左雷公田同石岗军营附近。到左行左一阵，就带左我地去远近驰名既农场鲜奶有限公司。呢间类似士多形式，有好多张圆枱摆晒出黎，我地一揾到位就即刻排队，叫左最出名既双皮奶，芒果布甸同鲜牛奶。佢既双皮奶好香奶味，入口都好滑下，而芒果布甸都浓味足料，不过就细杯左少少，牛奶就坦白讲同超市十字牌牛奶分别不大。最值得赞既其实唔系食物，而系环境，系郊外行到好热好攰，可以抖一抖，食返少少冻野，真系好享受。而且仲有好几只羊仔系栏入边，小朋友仲可以喂佢地，见到特别兴奋，所以呢度一边享受大自然，一边食野医下肚补充体力，真系好好既选择。