韓閣 (富裕樓) (已結業)

路经荃湾，见到有间韩国餐厅韩阁几吸引，而我另一半又话想食炸鸡，咁就岩晒食呢间试下啦! 首先一入去个环境有好多韩国电影海报，而且播著耳熟能详的Kpop，好似置身于首尔的Café一样。讲番食物，首先要介绍蟹三式石锅饭，首先我本人好钟意石锅饭够晒热辣辣，已经有好多唔同的配菜，加上蛋汁与韩式辣酱，已经觉得好吸引。而平时主菜通常系鸡肉、猪肉或牛肉等，但呢度居然用蟹为主菜! 蟹三式为松叶蟹肉、韩国蟹羔同埋蟹籽，得到三重享受，分别系蟹肉的鲜味、蟹羔的浓味及蟹籽的口感，值得推介!另一道菜就系牛油蜂蜜炸鸡，上枱时已经闻到牛油的香味，而呢度的蜜糖好似唔洗钱咁，成个盘底都系蜜糖，加埋牛油，相当邪恶! 而炸鸡用同部位，皮够脆而且啖啖肉，非常满足!最后点了韩国比较传统的海鲜煎饼，煎饼上的海鲜料好多，分别有虾、蚬，同埋依非比较hit的鱿鱼，而煎饼的皮够薄，食落去唔会觉得落左好粉的感觉，反而食落去有点黏韧的感觉。而这里提供了蛋黄酱及秘制韩式酱汁，可以带出唔同的层次。其次，这里仲有好多特色韩国食品，例如芝士岩浆炒饭、人参鸡汤、部队锅、杂锦饭卷等，但因为已经食到好饱，留待下次再战吧!