Mini Friday (銀城廣場) (已結業)

早排电视不断播半成品嘅威灵顿牛柳嘅广告，畀佢成功撩起条食筋，不过梗系出去餐厅食煮好嘅成品啦。其实都唔少西餐厅有威灵顿牛扒，不过又奇怪身边都有几个朋友话未食过。今次就班朋友仔到方便至极嘅旺角满足口欲。餐厅有唔少酒樽以作装饰，餐牌亦有多款美酒供佐美食，不过今日专攻美食。先食醒胃 帕尔马火腿红菜头杂菜沙律 火腿甘香，红菜头切至细粒唔会硬再加入微甜沙律酱啱晒，可能为美观上碟做型原故，如果份量多啲就更好。接食 香草牛油焗田螺酥盒 热辣辣牛油酥皮又香又松化 再盛入香草田螺，作为餐前小食一啖一口真系冇得顶。 食主菜前再嚟多个 意式焗牛肉丸 肉丸底 番薯蓉再加入小量南瓜蓉健康饱肚配肉丸非常适合。是晚焦点 威灵顿牛柳 出场 香喷喷既酥皮下包著肉嫩多汁嘅牛柳， 披著酥皮下烤焗，五成熟嘅牛柳保留肉汁比平常更多， 一刀切开纷纷涌出；酥皮香，肉更香，啖啖超满足。最后 帕尔马火腿薄饼 及 西班牙海鲜炒饭 两个主食都唔错，虾蚬鱿鱼都好鲜甜，饭量比例刚刚好；薄饼皮薄脆口芝士及火腿香口不在话下，其实薄饼上嘅火箭菜配合都非常好，好让中和整餐肉食。