影片
更多
2020-03-02
3106 浏览
晶荷轩系香港迪士尼乐园酒店嘅唯一一间中菜厅🏰。餐厅嘅墙壁、装饰品、吊灯甚至地毯都用荷花为主题🌸。悲伤小姐一入到餐厅就感受到高贵典雅嘅气氛💎为咗享受最高特级中菜，今次专登早两日预约佢地嘅Signature Menu，总共有6款菜式，价钱每位$880，真系几贵㗎就睇佢值唔值💸💗如鱼得水厨师将两只水晶饺做成鲤鱼，馅料分别系虾肉同龙趸肉，底下系小棠菜汁，所有碟上嘅装饰都食得，整味𩠌较清淡但充满鲜味。呢味𩠌攞过香港旅游发展局颁授「美食之最大赏」嘅「点心组」至高荣誉金奖🏆💗椰皇元贝炖鸡用原个椰皇炖汤，所有精华锁哂系汤到，味道非常浓郁，汤内包含瘦肉粒、鸡肉、螺头同米奇老鼠样嘅冬瓜，仲要酿咗红萝卜同瑶柱，汤非常够热🐭💗双龙吐珠用酥皮包住龙虾肉，搽上芒果酱焗，令虾肉嘅口感同味道更上一层。第二味则将大虎虾起肉再加酸辣汁炒过，非常惹味🦐 💗姜汁米酒蒸蟹拑底下配上嫩滑嘅蒸蛋白，蟹肉非常新鲜，肉质扎实，加上米酒同姜汁提鲜🦀💗蚝皇鲍鱼炒饭炒饭用上浓味嘅鲍鱼汁，配上鸡肉粒、瑶柱、蛋白、葱花等炒成，非常够味又干身。原只鲍鱼放顶，鲍鱼糖心之余炆得又谂又入味🍚💗流沙煎堆仔一般嘅煎堆仔都系芝麻馅料，点知佢系咸蛋黄，非常香口
💗如鱼得水
厨师将两只水晶饺做成鲤鱼，馅料分别系虾肉同龙趸肉，底下系小棠菜汁，所有碟上嘅装饰都食得，整味𩠌较清淡但充满鲜味。呢味𩠌攞过香港旅游发展局颁授「美食之最大赏」嘅「点心组」至高荣誉金奖🏆
如鱼得水
185 浏览
2 赞好
0 留言
💗椰皇元贝炖鸡
用原个椰皇炖汤，所有精华锁哂系汤到，味道非常浓郁，汤内包含瘦肉粒、鸡肉、螺头同米奇老鼠样嘅冬瓜，仲要酿咗红萝卜同瑶柱，汤非常够热🐭
椰皇元贝炖鸡
$168
127 浏览
0 赞好
0 留言
💗双龙吐珠
用酥皮包住龙虾肉，搽上芒果酱焗，令虾肉嘅口感同味道更上一层。第二味则将大虎虾起肉再加酸辣汁炒过，非常惹味🦐
双龙吐珠
127 浏览
0 赞好
0 留言
💗姜汁米酒蒸蟹拑
底下配上嫩滑嘅蒸蛋白，蟹肉非常新鲜，肉质扎实，加上米酒同姜汁提鲜🦀
姜汁米酒蒸蟹拑
84 浏览
0 赞好
0 留言
💗蚝皇鲍鱼炒饭
炒饭用上浓味嘅鲍鱼汁，配上鸡肉粒、瑶柱、蛋白、葱花等炒成，非常够味又干身。原只鲍鱼放顶，鲍鱼糖心之余炆得又谂又入味🍚
蚝皇鲍鱼炒饭
$168
174 浏览
0 赞好
0 留言
💗流沙煎堆仔
一般嘅煎堆仔都系芝麻馅料，点知佢系咸蛋黄，非常香口，流心得嚟热辣辣🥚
流沙煎堆仔
$68
101 浏览
1 赞好
0 留言
于是第日系酒店训醒后，就决定试埋点心嘅水准🏰
💗荷花点心精选($158/各两件)
🦐荀尖鲜虾饺：晶莹剔透嘅外表非常吸睛，饺皮够薄而且食落烟韧，成只夹起唔会痴筷子唔会烂。内馅虾肉好饱满，明显唔系雪藏货，切得大粒所以食落爽口弹牙而且鲜甜，配上爽脆笋粒好高质。
💎黑松露小笼包：包皮够薄有弹性，夹上嚟「荡秋千」都不唔穿，但一咬落去，完全冇肉汁四溢嘅感觉，好少汤汁而且唔够热。好彩肉馅份量足，食落好鲜味，而且带淡淡嘅黑松露香，有另一份滋味。但重点要爆汤就唔合格。
🥟五香咸水角：呢个系悲伤小姐嘅最爱，因为咸甜搭配天衣无缝。糯米外皮炸到香脆烟韧，每只都胀卜卜，可惜唔够金黄。馅料就有猪肉碎、虾米、冬菇、沙葛等，都算几足料，食落口感丰富，浓郁惹味。
🍤珍宝海鲜春卷：外表炸到金黄酥脆、薄薄嘅脆皮包住鲜香嫩滑嘅馅料，包括有大量椰菜丝、红萝卜丝、云耳丝等。由于净系得蔬菜冇肉，所以食薄爽脆清甜。说好嘅珍宝就系鲜虾，食落弹牙鲜甜，不过矜贵到得一细旧唔够喉。
荷花点心精选
$158
78 浏览
1 赞好
0 留言
💗锦鲤斑肉饺拼黑松露元贝烧卖($118/1客)
将水晶饺做成鲤鱼，栩栩如生咁完全唔舍得食。外皮口感同虾饺一样，只系内馅变咗石斑肉，望落雪白新鲜，鱼味浓唔腥，肉质嫩滑有口感，整体味道清淡用少少唐芹粒吊味🐠
烧卖嘅猪肉肥瘦均匀，配上鲜虾粒同烟韧嘅冬菇粒，弹牙有咬口。重点系上方放块帆立贝同一小片黑松露。带子唔算薄所以蒸落唔会干身，食落都好爽甜。但松露片偏硬而且冇乜香味。如果馅料都加松露油，味道应该更特出🍄
锦鲤斑肉饺拼黑松露元贝烧卖
$118
94 浏览
0 赞好
0 留言
💗阿拉斯加蟹肉灌汤饺($98/1客)
将饺子浸系用老鸡、金华火腿、猪骨等煲成嘅上汤里面，味道清淡鲜甜。外皮薄而烟韧，唔会太腍。内馅有虾肉碎、冬菇幼粒、猪肉馅同蟹柳丝，都算足料。其实本身有d失望，因为唔系跟足传统做法灌汤后蒸，点知刺破后发觉有少少高汤啫喱，而且味道仲浓稠。另一重点系旁边嘅长脚蟹柳，虽然系真材实料，但肉质松散口感较差🦀
阿拉斯加蟹肉灌汤饺
$98
117 浏览
0 赞好
0 留言
💗一品鲍鱼酥($88/1件)
挞皮牛油味香浓，厚薄适中，而且焗得金黄酥脆，就算放咗馅料同茨汁都唔会冧。特意放咗鸡肉粒同冬菇粒增加口感，糖心鲍鱼炆得入味，带鲍汁嘅咸鲜同蚝油嘅鲜甜，而且几大只，食落弹牙爽口🥧
一品鲍鱼酥
$88
77 浏览
0 赞好
0 留言
💗金桔脆皮烧腩仔($168)
烧到爆起哂芝麻皮，就算摊涷咗依然脆卜卜。猪腩肥瘦均称， 层层相间，咬落有肉汁、肉质松化够腍又有嚼劲。由于系新鲜猪，食落冇猪臊味，不过再咸香d就更加好食🐷
金桔脆皮烧腩仔
$168
62 浏览
0 赞好
0 留言
💗玫瑰豆沙卷($68/3件)
呢个真系完全嘥位撑爆自己个胃。包皮蒸得唔软熟，又硬又鞋口，太厚身食落重面粉味。而且红豆馅少得可怜，连想评价佢够唔够香甜软滑都食唔出🥯
💗香芒奶皇卷($58/4件)
薄薄地烟韧软糯嘅粉皮紧紧包住厚切嘅芒果条，食落有少少纤维未算最滑溜，味道偏酸未算好多汁，好彩有奶皇糕嘅甜中和番，带蛋黄嘅奶香令人惊喜，雪得涷冰冰好清爽。外面仲沾咗少少椰丝多添份脆口🥭
香芒奶皇卷
$58
52 浏览
0 赞好
0 留言
张贴
