羲和雅苑

营业中

休息中

落地玻璃嘅维港景色好吸引😍🤩， 幸好安排在窗口傍，一路叹下午茶，一路欣赏靓景色，人生一大乐事，下午茶餐真系超级抵食，$188 2位用，当中仲要有黑松露烟熏鹅肝伴脆炸馒头和矶煮鲍鱼，性价比超高😳鲍鱼口感清爽，酱汁甜甜地，好适合夏天食，非常开胃。另外，鹅肝油香满满， 配合香脆炸馒头，简直系绝配😗仙桃布丁 外型十分讨好❤️，打卡一流、仪式感满满✌🏼另外，点可以错过呢度嘅驰名片皮鸭，鸭皮非常香脆，仲要有多款配料和酱料可以选择，当中令我最深刻嘅就系爆炸糖同埋蓝莓酱😳令油腻感消失。 仲要有师傅喺你隔篱即场片皮，非常新鲜，食客可以安心食用 。最后我哋亦都叫了 黄扒鱼肚，汤底10分浓郁，汤料仲要有厚厚的花胶，成碗汤胶质满满，连老公都大赞好有诚意。