忘筌茶室

营业中

休息中

铜锣湾白沙道开咗唔少好有品味好有vibes嘅小店😻原来呢度仲隐身咗一间非常舒适嘅茶馆。香港开好多cafe都人山人海唔可以舒舒服服叹下，但呢间就真系比到人一种好relaxing好治愈嘅感觉🥰🥰环境同装饰都带有一种禅意，好适合嚟品尝茶道，放空一下💭除咗放松之余仲可以学到茶道，店主对茶道好有研究，睇住佢由温杯、烫壶、温润泡到泡茶，整个过程都好专业🙌🏻店主对各地嘅茶叶品种认识都好深，原来茶叶都有份拼配或single origin😮连茶叶生长嘅树木有咩分别都有提到。有啲品种嘅茶叶生长系较老旧嘅树，更加吸收到泥士嘅营养，令茶叶生得更加靓🍃呢度主打有生普洱、熟普洱、白茶，menu有好多产地茶叶选择，仲写明年份。可以拣啱自己心水嘅茶叶套餐，丰俭由人，大部分都可以无限续杯，舒舒服服品茶就系一个好惬意嘅下午☺️巴达山野生乔木生茶嘅一种，茶楼一般系熟普洱，生普洱要去到茶馆先有。来自巴达山单品种嘅茶叶，浓度属于中庸之道，会渗出花果香。入口先有白茶温和香气包围住口腔，之后就品尝到少少茶叶嘅酸，吞罢舌尖会有回甘，一泡茶饮出不同层次😻人均消费：$300推介指数（10分为满分）：8.5分