日喜樓 (已結業)

夜晚收咗工，约埋朋友落嚟依度食晚餐，系呀! 无错呀! 系落唔系上呀! 因为餐厅系位于大厦的地库，所以要落嚟依度啰! 个场几大，好宽敞，又光猛，客人都唔少，好难想像到地库餐厅可以咁样。餐厅主打系食京川上海菜，亦都很前卫，餐牌全部放晒入平板，好环保，无需浪费纸张印出来，可以任人卒任人睇。朋友卒咗【蜜汁火方】、【灌汤小笼包】、【四川担担面】、【葱烧海参】和【北京填鸭】【蜜汁火方】蜜饯汁甜得来啱啱好，金华火腿好甘香，莲子咬落好绵的。夹埋薄脆莲子一齐食，脆的、绵的、软的口感有齐。【灌汤小笼包】皮薄，折功出色，有二十折。咬落去汤汁爆咗出来，馅肉鲜甜。【四川担担面】唔辣的，但很香。虽然面唔系即场拉的，但系质感都唔错，嗦咗啲汤来食，味道不错。汤底有好多花生粒，所以都几香。【葱烧海参】京葱的香味很特出，海参质感腍腍软软的，食落好过瘾，好似食啫喱，不过依个啫喱的营养价值是很高的，因为有很多胶原。【北京填鸭】这个填鸭比较干身，没有平时食开𠮶种咁油腻。薄饼放在蒸笼内，而蒸笼下面系有个小火炉的，热住啲薄饼，就唔怕摊冻变硬。慢慢将啲烤鸭、大葱、青瓜、甜酱放在薄饼上，系咪好有艺术感呢? 食落仲好有滋味感喔!