匠心廚房 (已搬遷) 新店位置

打完波🏀路过见到一个好有气势嘅字体加上蛮有意思嘅店名吸引住 「匠心厨房」呢个名字带有精巧细心嘅意思配以厨房两字，即时令人联想到厨师费尽心思巧手烹调...在呢个情况底下当然要一探究竟🍚🥢坐低打开餐牌就见到有厨师介绍, 另外侍应姐姐介绍咗几款出色嘅菜式...最后我哋拣咗：🐟黑蒜蒸龙趸头腩：用豉汁黑蒜笼仔蒸，笼底放荷叶，上面放满赞岐乌冬，吸哂D味好鬼正！🧂七味黄金豆腐粒：越简单越难呢个道理...呢个厨房就真系做到真正外脆内软而且加上七味粉更添惹味！🐖山楂柚子汁脆腩片：用山楂加埋柚子汁配上炸过嘅猪腩片，酸酸地好开胃！栗米鱼肚羹：食得出鱼肚应该系用鸡汤入过味，下次嚟叫一窝先得😆😆