京林屋 (希慎廣場)

营业中

休息中

餐厅：京林屋地点：铜锣湾希慎广场菜式：日式餐牌：甜食有抹茶或者焙茶啫喱雪糕，雪山，芭菲，布丁，蕨饼，抹茶红豆年糕甜汤，馅蜜，卷蛋，蛋糕，芝士蛋糕等等。呢度都有热食。饮品有各款茶同牛奶等。雪糕口味有抹茶同焙茶。每人最低消费一样野。特浓焙茶雪山 $98 另加一特浓焙茶雪山都好大个，有劲多软绵绵嘅雪花冰，外面𠮶层已经加左焙茶浆，个人觉得唔多够甜。入面好多雪花冰系冇味，等你自己加另上嘅焙茶浆食。雪花冰傍边有两粒白玉丸子，下底仲收埋左唔少焙茶jelly粒同红豆蓉，同雪花冰一齐食就唔觉甜。上面最顶有半球焙茶硬雪糕，好滑同焙茶味香浓，配绵绵冰食都几好。不过个人都系钟意特大雪山既抹茶酱同炼奶多d。焙茶沙冰雪糕 $58 另加一焙茶沙冰雪糕一大杯，冰沙都打得滑，唔会太甜，不过我觉得焙茶味淡左少少。面头个球焙茶雪糕就正啦，够浓又滑，咁先似样。另外外卖左一条抹茶卷蛋同秘制抹茶蕨饼送比朋友。食物方面都系雪糕最好。服务就一贯麻麻，叫服务员加水都无加比你，服务员走左就唔记得lu。