影片
更多
2023-06-29
4770 浏览
💮熊妹成日食西餐多，中菜嚟讲就比较钟意食上海菜，今次就同富妹来到铜锣湾名店坊入面的《京沪 · 佳肴》试下佢呢排推出好抵食嘅一人下午茶餐。📌餐厅嘅装潢比较古色古香，中庭嘅设计，墙上高高挂上红红的大灯笼🏮，天花板挂上一个个柔和嘅灯泡💡，砌出《京沪 · 佳肴》嘅logo，设计都几花心思。💕📌下午茶精选一人餐，星期一至日都有得供应，话明下午茶就系下午两点至到4:30，5:00要交枱准备下场。📌下午茶餐包括前菜三款、小食四款点心同埋一款面食主菜，一人餐全部都系一人份量，$68就要另加$9茶钱，最后加一买单就系$85，咁嘅价钱喺间咁高级嘅上海餐馆入边食下午茶就真系唔话得。京沪三拼一碟前菜三拼摆款好吸引，有葱油红蜇头、酲醋小排骨同家乡酱黄瓜，黑色的瓷碟摆上红黄绿三色嘅小菜，颜色都已经好吸睛。👀红色的酲醋小排骨份量都唔少有三少嚿，虽然比糖醋腌过，但肉质咬落都唔鞋口，好怕腌过龙，抽干晒肉嘅质感，酸酸甜甜好开胃，味道唔错。黄色的葱油红蜇头好爽口，本身冇咩味的红蜇头慢慢渗出淡淡嘅葱油味，味道唔会过龙又唔会过油，食落凉浸浸，好经典嘅凉拌小菜。绿色的家乡酱黄瓜🥒有两件，咬落去非常脆口，味道就系腌咗嘅
💮熊妹成日食西餐多，中菜嚟讲就比较钟意食上海菜，今次就同富妹来到铜锣湾名店坊入面的《京沪 · 佳肴》试下佢呢排推出好抵食嘅一人下午茶餐。
📌餐厅嘅装潢比较古色古香，中庭嘅设计，墙上高高挂上红红的大灯笼🏮，天花板挂上一个个柔和嘅灯泡💡，砌出《京沪 · 佳肴》嘅logo，设计都几花心思。💕
📌下午茶精选一人餐，星期一至日都有得供应，话明下午茶就系下午两点至到4:30，5:00要交枱准备下场。📌下午茶餐包括前菜三款、小食四款点心同埋一款面食主菜，一人餐全部都系一人份量，$68就要另加$9茶钱，最后加一买单就系$85，咁嘅价钱喺间咁高级嘅上海餐馆入边食下午茶就真系唔话得。
京沪三拼
84 浏览
0 赞好
0 留言
一碟前菜三拼摆款好吸引，有葱油红蜇头、酲醋小排骨同家乡酱黄瓜，黑色的瓷碟摆上红黄绿三色嘅小菜，颜色都已经好吸睛。👀
红色的酲醋小排骨份量都唔少有三少嚿，虽然比糖醋腌过，但肉质咬落都唔鞋口，好怕腌过龙，抽干晒肉嘅质感，酸酸甜甜好开胃，味道唔错。
黄色的葱油红蜇头好爽口，本身冇咩味的红蜇头慢慢渗出淡淡嘅葱油味，味道唔会过龙又唔会过油，食落凉浸浸，好经典嘅凉拌小菜。
绿色的家乡酱黄瓜🥒有两件，咬落去非常脆口，味道就系腌咗嘅酸瓜味道，腌到超级浓味，超酸超开胃。
四小拼
68 浏览
1 赞好
0 留言
然后有四款点心各一，包括招牌小笼包、珍珠糯米烧卖、红油抄手同埋芝士脆春卷。
两个迷你点心笼同埋两碟点心碟梅花间竹咁摆，摆款都好有念头。
招牌小笼包
68 浏览
1 赞好
0 留言
咬落去，哗，啲汤汁流哂出黎，要摊冻啲食，如果唔系都会辣亲个咀。小笼包皮薄，肉饀唔肥腻，连埋汤汁一齐食，湿湿润润好滋味。
珍珠糯米烧卖其实佢个外型似烧卖样，内里就系糯米饭咁，趁热食又有咬口，烟韧又有腊味，一啖糯米饭又饱肚。
一碟红油抄手有两粒，调味系红醋辣油，味道酸酸辣辣，几惹味，抄手肉馅丰富，咬落去啖啖肉，一旧食唔够喉仲有一旧，
芝士脆春卷一分为二，炸到好脆口，内里虾肉弹牙，正常嘅春卷味道。
京沪担担面
58 浏览
1 赞好
0 留言
熊妹好钟意食担担面🍜，因为好钟意食有花生酱做的汤底。
花生酱汤底味道浓郁，辣辣地又有好多花生碎粒，捞埋冇咩味道嘅发明白面一齐食，非常惹味。
沪式炸酱面
69 浏览
1 赞好
0 留言
炸酱面嘅做法就系一碗白面上放满炸酱肉碎，然后再跟一碗清汤倒入去炸酱面一齐食。
清汤味道偏淡，白面本身无味，肉碎炸酱味道未算好特出，熊妹就唔系好识欣赏呢碗面喇。
📌整体嚟讲，由前菜到点心到主食都大致食尽京沪菜经典的地道菜式，味道又几正宗，主要系价钱非常亲民，中式下午茶原来都可以咁叹。
张贴
