城中鴨子

营业中

休息中

咁啱今日食午餐唔洗排队㖞，梗系要入去试下啦。城中鸭子系食传统京淮菜、上海菜(?)，但系装潢系欧陆style，坐得舒服又可以倾吓计。*无锡灌汤小笼包 （6只）$98手工麻麻地，折数唔够工整，但唔紧要，好食就够！皮薄但唔易穿，馅量多汁多，但未至于喷汁，鲜而不腻，赞！烤北京填鸭（半只）$198必食嘅烤鸭，鸭肉又香又嫩，皮脆但偏油腻，有青瓜青葱解腻，烤鸭酱鲜而唔咸。唯一败笔系个10片面皮太快冻，而且偏厚，包烤鸭食整体感觉不太良好。淮扬嫩鸡煨面 $89鸡汤香浓，冇乜味精，鸡肉肉嫩又有肉味，但得三几粒😢面条量多，滑溜而唔腍。