京香閣 (已結業)

位于无限极广场的『京香阁』，有非常抵食嘅烧味饭外卖。4草野有黑豚肉叉烧饭，海南鸡饭或烧腩仔饭，仲跟一碗醇厚老火汤，性价比非常高。食咗佢完全返唔到转头去食连锁集团。黑豚肉叉烧饭，料头够哂大块，叉烧半肥瘦，肉质软熟有肉香。蜜汁捞埋少少豉油，非常下饭。一旁的老火例汤亦唔简单，味道系酒楼晚市嘅级别，好过大部份茶记和烧味店。烧腩仔最重要系旧猪腩肉嘅质素。呢度用肥瘦相间嘅五层肉，而且无『猪』味，应该系上等货色。猪皮亦烧到脆卜卜，蘸少少芥末酱已经系人间美味。我喺中上环食过唔少烧味铺，呢间真系唔错。希望可以保持水准。