五行

营业中

休息中

GOGYO五行系来自日本京都嘅过江龙拉面店，刚刚喺中环历山大厦开幕，地点相当方便，系港铁中环站H出口一出就见到！餐厅卖点系将拉面艺术同高级餐饮文化融合为一，发挥创意为食客带来惊喜。最近推出期间限定拉面「浓厚龙虾沾面」，用上龙虾做主角，以低温慢煮熬制原条龙虾尾，令我十分之期待！ 🍜浓厚龙虾沾面定食 慢煮龙虾尾卖相相当吸睛，非常大只！肉质细嫩弹牙～旁边嘅沾面汤底系另一卖点，汤底除咗有海老鲜甜味，仲饮到香醇豚骨汤精华，味道浓厚，沾面面条清爽弹牙，每一条面条挂满浓稠汤底，真系非常惊喜！ 配料仲有叉烧、芝士脆饼、海老味噌、半熟玉子、紫甘蓝泡菜、水菜同巴马臣芝士，口感层次极为丰富。享用沾面后，仲有一碗芫荽饭，用嚟加入汤底食，感觉似食紧意大利饭咁，多重鲜味配搭，非常美味～ 🍜黑拉面 汤底黑蒜味道浓厚，完全唔油腻，同样采用扁平面条，有一定嘅挂汤能力，令每条面条都沾满汤汁，非常滋味～碗内仲有叉烧同木耳，叉烧肥瘦适中，油而不腻，口感嫩滑！整体嚟讲呢碗拉面真系好香，好钟意呢个口感～