麵道 (已結業)

上次经过已经见排晒队, 呢晚特别过黎再睇下, 时间尚早唔洗排, 但入座都8成了.呢度主要有几种汤底, 有酱油豚骨, 海老豚骨,  鸡白汤, 各有特式.仲有特式支装饮品, 叫樱花可乐, 由日本进口, 卖相都靓过人. 味道唔似可乐, 系酸酸甜甜, 好易入口.特盛义烧溏心蛋酱油豚骨汤拉面, 有成4片大义烧, 落足料, 唔会太肥, 软腍有口感. 汤底豚骨味浓, 唔太油.拉面面属幼身, 好爽口, 硬度恰到好处, 份量亦刚刚好.要多款天妇罗无骨鸡翼, 外面炸到好脆, 面头仲有D炸蒜, 好香口. 以为一旧食, 原来餐厅好贴心已经切开一旧旧, 仲要无骨. 肉质嫩滑唔鞋, 几入味.