京香閣 (已結業)

京香阁-京菜自助餐放题、韩烧、buffet一年都食唔少次，今次竟然比我系上环揾到间专食京菜既自助餐。又为食又贪新鲜既我，点会错过觅食既机会。一坐低，服务员就极速送上每人一份原只鲍鱼花菇同砂窝花胶鸡汤。鲍鱼同花菇都好大只,经过蚝油炆煮后,非常入味,鲍鱼亦都够腍身。至于砂窝花胶鸡汤，完全饮得出汤既鲜甜，花胶非常厚身，入口除咗黏咀外，亦好爽口。另外，全场超过四十几款冷热菜式、甜品任食，而最得我欢心一定系酸辣汤、酱茶鸭同四喜烤夫，野食种类多到试唔晒。而重点中既重点，一定系京式片皮鸭，鸭胸皮脆肉嫩，油香满溢，而饼皮用上牛油纸相隔，以防黏埋撕烂，而keep住用蒸笼热住，入口热辣辣质感烟韧。加埋京葱、青瓜同京酱，超级好味！-仲未够喉唔紧要，仲有即叫即做既点心同甜品，有我最爱既小笼包同炸馒头。两个钟头不停食无停口，完全觉得抵返晒。