影片
更多
2017-07-31
1028 浏览
由于今日早餐食左个麦当劳既关系，赖生同屈小姐不约而同地打算Dinner食番Light D，减轻番个罪疚感！再咁岩大家都系饺子mood既时候，我地又造访京香饺啦，因为大家都忘不了佢既羊肉饺同京香韮菜鲜肉饺！今次黎既时候，唔系食Lunch啦，而系可以食多D野既Dinner Time! (说好的食Light D?!) 不过呢间野食真系几受欢迎，赖生同屈小姐6点半黎到既时候已经要搭枱，坐无虚席啦！！系赖生同屈小姐食紧饭既时候，仲不停有人叩门揾位食野呢！我谂大家去呢间野既理由综合黎讲系有2个 ： 抵食夹大件既其一，其二系有好味既饺子呢次厉害啦，赖生同屈小姐2个人叫左4样野，食完饱到上心口呢！比大家欣赏一下赖生同屈小姐既战绩先⋯(注: 右上已经比饿得济既2人食左几啖)，赖生可以放肆咁食⋯（谜之声：说好的Light Dinner呢？）1）京香韮菜鲜肉饺：5⭐️先黎一定要介绍比大家既系呢度既必点项目：京香韮菜鲜肉饺！ 几乎每枱都叫1碟！除左皮薄馅靓之外，每一粒既份量都好足，一咬落去会爆汁出黎! 而味道系极鲜味既，唔系指韮菜味㖞，而系先有肉既鲜味做主，再有韮菜味既出现，真正做到两者兼备，难怪个个都要叫番1
今次黎既时候，唔系食Lunch啦，而系可以食多D野既Dinner Time! (说好的食Light D?!) 不过呢间野食真系几受欢迎，赖生同屈小姐6点半黎到既时候已经要搭枱，坐无虚席啦！！系赖生同屈小姐食紧饭既时候，仲不停有人叩门揾位食野呢！
我谂大家去呢间野既理由综合黎讲系有2个 ： 抵食夹大件既其一，其二系有好味既饺子
呢次厉害啦，赖生同屈小姐2个人叫左4样野，食完饱到上心口呢！
比大家欣赏一下赖生同屈小姐既战绩先⋯(注: 右上已经比饿得济既2人食左几啖)，赖生可以放肆咁食⋯（谜之声：说好的Light Dinner呢？）
京香韮菜鲜肉饺
$42
78 浏览
0 赞好
0 留言
先黎一定要介绍比大家既系呢度既必点项目：京香韮菜鲜肉饺！ 几乎每枱都叫1碟！
除左皮薄馅靓之外，每一粒既份量都好足，一咬落去会爆汁出黎! 而味道系极鲜味既，唔系指韮菜味㖞，而系先有肉既鲜味做主，再有韮菜味既出现，真正做到两者兼备，难怪个个都要叫番1碟！
连黑醋都唔驶点已经好好食！点左醋只怕遮到佢既真味
羊肉饺子
$45
93 浏览
1 赞好
0 留言
接住黎既，系另一饺子杰作：羊肉饺子！皮薄馅靓就唔讲啦，佢既出色之处系既羊肉既味道浓缩晒系小小既饺子入面，咬落去系会爆出啡色既羊肉汤汁，充满羊味却没有一丝既膻味！好岩怕膻味既人士食，品尝一下羊肉既味道！
不过今次食既时候，羊肉味既冲击不及上次，但仍然好强劲，所以稍微扣0.5⭐️啦
羊肉抢汤面
$38
151 浏览
0 赞好
0 留言
呢碗面就系赖生同屈小姐今次黎既第2主因，听闻羊肉抢汤面系山东既特色面食，汤底满满既羊肉味而羊肉同拉面互相争夺羊肉既味道，因而命名为羊肉抢汤面，究竟同传闻既系咪一样既呢？
碗面一黎到既时候，赖生已经急不及待咁试左一啖汤，发现：咦？说好的羊肉味呢？，个汤唔觉好劲既羊肉味㖞，不过个汤味道浓度岩岩好，唔会太咸又或者淡而无味，而且个汤一路食住都仲劲热！唔错既，虽然未到惊艳，但仍有可取之处！
另一点要赞既系比例既拿捏！肉同菜既比例好完美，唔会太多肉或者无肉食，每块羊肉又薄又淋，菜又吸晒汤味，一啖放晒入口真系perfect!
最后要讲一讲系：拉面，系细身圆形既拉面，唔系话好好食，但胜在浸左好耐都唔会淋/糊
鸡丝捞粉皮
$38
111 浏览
0 赞好
0 留言
仲有就系鸡丝粉皮啦，赖生同屈小姐都好钟意食粉皮呢，所以就算肥也好⋯都要叫一叫既！
可惜系呢度个鸡丝粉皮碟底出晒水，沟淡左味之余，部份粉皮又痴埋一旧旧，略嫌唔够滑，而且个麻酱系极似食肠粉既花生酱，仲有咸味添，搞到味道有D怪，不过佢都有样值得赞既就系鸡丝啦，唔鞋口，仲几够鸡味添
老实讲，呢间舖头一路可以系西环屹立都不无道理既，佢既价钱好大众化，𩠌菜份量又合理，加上饺子又做得出色，难怪会有几枱一家人黎，又会有我地呢D小情侣帮衬，真心系觉得抵食同值呢个价钱，难怪屈小姐细细个就会去旧店食啦！
如果人多D会仲抵，可以叫多几款野食，我谂食到捧住肚走，除番开一个人大约$60-80就可以搞掂！
#饺子饺子Mood
#饱到上心口
#爱是能与你共享的每一餐
#谢谢妳陪著我一起长大
#谢谢妳让我照顾妳
张贴
