茴香 (已結業)

餐牌唔好话自己叫泰国菜扒房啦，九唔搭八，根本全部系西餐黎既，意粉，薄饼，意大利饭，扒，根本冇泰国野。今日上openrice睇先知原来转左手，变左西餐厅，质素跌左好多。点左个加一后650既二人餐，牛扒同三文鱼。沙律有6,7款左右，味道中规中举，食落去ok但又唔会令你想食几转咁样。食左一转沙律，南瓜汤加蒜包，都系正常既，同几十蚊一位既餐厅差唔多。之后就一直等，等左半个钟，催左三次，旁边枱个三个女人等得仲耐，等左一个钟，最后我话未煮我就走啦要赶下场，计返个沙律同汤钱比你。佢就惊啦，话比多5分钟，师父受伤入左院，之后捧左盘垃圾出黎，件牛扒仲硬过橡皮，仲要一d味都冇，问佢攞碟芥辣，艰难食左几件，一半都食唔到留返系枱（如图），之后个份等左50分钟既三文鱼送到，个汁名用左十几个字描述，但出到黎得少少橙味，水汪汪，5分钟内吃完走人。六，七百蚊的质素仲差过红茶餐厅，我思疑系咪个侍应入去煮既讲真，你师父伤左煮唔到就出声，我去另一间食，唔好咁呃呃氹氹，等你一个钟，整盘垃圾比我食，咁做生意边有回头客？