富士山55 (拉麵沾麵專門店) (已結業)

同事话我知铜锣湾富士山55推出了一款特浓双色海胆沾面，老婆大人最爱呢味嘢梗系九秒九请佢去食啦！平日的晚上7点半到等咗20分钟巳有位，这时老婆大人啱啱到fit晒啦。叫咗支草莓梳打饮，够晒香口又够气好正㖞。我呢个牛魔王梗系要鹅肝牛魔塔沾面啦，有三个码可拣，150g，300g 和 800g，本来想要300g但比老婆禁了唯有要150g啦！从芝士蕃茄汁和黑松露汁中拣咗后者，菌味劲浓郁香到不得了。我的鹅肝牛魔塔沾面到喇，真系成座山咁好浮夸啫，面头有件厚厚的鹅肝，入口唔系热辣辣，但胜在够厚身即时觉得抵食，牛肉系纽西兰货用慢煮方法令到肉质粉嫩又淋身牛味好够，不过沾黑松露汁后牛味就好易被盖过，另外面质够挺身好挂汁咬口好唔错。老婆大人的特浓双色海胆沾面真系好鬼有份量，我试咗啲韩国和加拿大海胆，比较like加拿大多Ｄ。原来头先被禁止叫300g原因系要食呢个芝士杂炊，我哋拣咗海胆沾汁嚟煮。店员三扒两拨就搅掂个杂炊，煮得啱啱线味道香浓，饭粒不硬亦不软好味道。