影片
更多
2012-11-18
614 浏览
8月11日, 金御海鲜酒家呢个舖位喺我细细个嘅时候曾经系一间老牌酒楼, 每逢周末我地都会全家出动去酒楼享受天伦乐~ 随住天后慢慢发展成为新型潮食地区, 酒楼生意亦慢慢转差, 最后结业收场. 而呢个超大舖位就开始经历佢被长期凋空嘅命运, 更加试过转型变成老人院等等… 如今佢又以酒楼姿态回归, 今日就趁星期日再同家人一齐嚟天伦乐一下~::: 金御鲜虾饺 ::: 虾饺皮都算薄, 可以见到入面橙色嘅虾肉~ 饺皮烟韧, 估唔到d虾肉都几大只, 食落仲几鲜味弹牙添! ::: 原只鲜虾烧卖皇 ::: 呢度d虾用料确系唔错, 连烧卖只虾都系大大只的. 一口咬落烧卖, 内里猪肉馅亦松软多汁~ 唔错唔错~::: 鲜虾菜苗饺 ::: 鲜虾菜苗饺其实就系虾饺嘅变奏, 只系形状稍有不同. 烟韧饺皮内同样有弹牙嘅鲜虾, 仲多咗d豆苗香~ 不过加咗菜个饺都唔见得有比虾饺清淡.::: 即焗雪山叉烧包 ::: 好明显就系顺应时下潮流而生嘅雪山叉烧包, 当然唔可以同添好运嘅镇店招牌相提并论. 但呢度都标榜系即焗, 所以雪山叉烧包一上台都系新鲜热辣~ 个雪山皮都够脆, 叉烧馅味道都够juicy, 但肉质就韧咗d, 个包就甜
::: 金御鲜虾饺 :::
虾饺皮都算薄, 可以见到入面橙色嘅虾肉~ 饺皮烟韧, 估唔到d虾肉都几大只, 食落仲几鲜味弹牙添!
::: 原只鲜虾烧卖皇 :::
呢度d虾用料确系唔错, 连烧卖只虾都系大大只的. 一口咬落烧卖, 内里猪肉馅亦松软多汁~ 唔错唔错~
::: 鲜虾菜苗饺 :::
鲜虾菜苗饺其实就系虾饺嘅变奏, 只系形状稍有不同. 烟韧饺皮内同样有弹牙嘅鲜虾, 仲多咗d豆苗香~ 不过加咗菜个饺都唔见得有比虾饺清淡.
::: 即焗雪山叉烧包 :::
好明显就系顺应时下潮流而生嘅雪山叉烧包, 当然唔可以同添好运嘅镇店招牌相提并论. 但呢度都标榜系即焗, 所以雪山叉烧包一上台都系新鲜热辣~ 个雪山皮都够脆, 叉烧馅味道都够juicy, 但肉质就韧咗d, 个包就甜咗少少… 同添好运比系争咁d, 但都算食得过架喇!
::: 蛋黄流沙包 :::
蛋黄流沙包系出乎意料嘅流! 包身软熟, 中间流沙蛋黄馅油润香甜, 食到有起晒沙嘅粒粒咸蛋黄, 味道咸香丰富~ 好味~
::: 潮州蒸粉果 :::
妈妈最爱~ 皮略厚, 但内里馅料足, 味道浓惹, 都唔错!
::: 鲜虾春卷 :::
鲜虾春卷大大碌, 炸得够脆亦唔算油. 馅料嘅虾就无蒸饺咁鲜, 整体味道亦较清, 要点喼汁食先得~
::: 金球咸水角 :::
咸水角颇香脆, 不过皮略厚, 馅较少. 唔系差~ 不过都唔系好好~
::: 芝麻脆蛋散 :::
系屋企人叫嘅~ 望落个样已经油淋淋, 再加埋d甜到漏嘅糖酱… 绝对唔会系我地杯茶…
::: 蜜汁叉烧肠 :::
肠粉皮偏厚, 亦有少少黐埋一patpat, 叉烧馅亦一般, 普通.
::: 鲜竹浸娃娃菜 :::
叫咗咁多点心谂住都叫番个菜平衡下~ 平时都系食d上汤白灼蚝油时菜多, 但今日见到呢个鲜竹浸娃娃菜又觉得好吸引! 不过个名吸引又唔代表好食, 鲜竹汤其实系同水无乜分别, d娃娃菜又偏硬… 成碟野都系无味的…
可能地方大, 星期日午市呢段时间呢度半场都坐唔满… 可能仲系新未有好多人知道. 环境新装修, 都几企理舒服, 仲有一列大玻璃透进窗外维园绿树风景, 景观都几开扬~ 我地饮饮下茶外面突然落大雨, 全家都觉得再坐一阵都几舒服~ 如果keep住都唔洗等位有茶饮, 呢度都系个唔错嘅选择!
张贴