赤橋拉麵 (已結業)

一直听讲呢间拉面好食，但次次都劲多人排队，甚至有时D汤底已经卖哂，一直冇机会食……今次睇完戏先六点左右，因为时间尚早所以冇咁多人，排左一阵已经有得食喇～墙上有得意ge手绘漫画，讲「拉面派」同「沾面派」，令人会心微笑。如果咁样分类，我应该系不折不扣的「拉面派」吧。拣左平时食开的黑油豚骨拉面，面身偏硬，汤头都算香，但最值得赞的是叉烧，非常肥美。由于以为本身冇溏心蛋，于是加左一只－－原来个面有包埋，仲要成只上，即系我可以食两只，好满足。朋友拣左期间限定的辣味噌拉面。我初头觉得，大热天时食咩辣味噌？仲要拣正夏天做限定添。而且试过好多间店的辣味噌拉面都好重味，我好衰咁等睇佢中伏。点知个面黎到之后，好有惊喜－－超香，系香到我谂成间店都会闻到果种。试左啖汤，辣味很轻，平时我只能吃小辣的，但这汤我可以大口大口的喝也没问题。不是平日吃到的那种味噌汤，建议趁期间限定要试一试！唯二的缺点，一是座位比较窄，二是面的份量偏少。我是较大食的女生，多吃了一只蛋也不够饱。希望可以增加面的份量吧！