秀拉麵 (已結業)

系中环做开野，想食拉面，排过一次豚王已经够皮啦，所以就拣左呢间新铺，都系要排，好彩五分钟就坐低左。望落好似好少位，但系愈行愈入愈多位，绝对系一间大铺，坐左系吧台位附近，望住班师傅煮面咁，气氛唔错，不过超热，好有街头Feel，如果唔系特登咁整既话，铺头最好加大少少冷气好㖞。要赞既系，服务好好，虽然系妹妹，但系帮人写单之类既野都跟到足，同埋讲野好有礼貌，唔错。到食物啦，其实有无人食到个元祖拉面既呢﹖我一点入去都话无，楼下有位食评又话七点去都系无，咁午市又无晚市又无，唔通佢只煮一碗出黎﹖奇。所以就叫左黑秀拉面同饺子，叉烧拣左腩肉，拉面要左硬身咁。好，我要评啦，碗面系唔好食既，唔知系唔系师傅既心情唔好(话晒都地震)定点，碗汤既黑色豉油部份系有焦味既，而且都焦得几过份，我用尽全力咁唔被黑色豉油污染到汤底，其实汤底系唔错㖞，够浆口亦够浓，但系比唔上豚王同达磨，拉面就够晒硬，做到要求，呢样要赞。叉烧望落靓仔，肥瘦均匀但系唔够腍香，咬落去重有d硬身添。假如呢碗只系五六十元，咁就绝对无问题，可以返转头添，但系咁既水准，实在有负过江龙的名堂。希望佢只系初来报到兼心乱如麻先系咁啦，唔系就真系祝佢好运。