烤焗工房

营业中

休息中

呢几日系附近返工，lunch 走去旺角中心行，中学时期放学好钟意嚟呢度行街，都有10年冇嚟过，好记得以前3楼系有餐厅食雪糕，依家唔同晒，一楼及二楼很多餐厅，雪糕薯条饺子四川野麻辣嘢台式嘢饮，乜都有，真系唔知食边样好，太多选择，选择困难症又出嚟啦😂。旺角中心依然人山人海，好多人聚集。喺2楼嘅位置，仲可以有天桥直接行去t.o.p商场，天桥有班人聚集，全部都系食嘢，场面真系好热闹。之后见到呢间小店门口特别多人等，所以买以下呢款小食：安格斯牛柳粒 $26味道唔错，少少咸，唔会太油腻，但肉质未能拿捏得好好，肉身有软有硬，但系价钱平平哋，所以唔可以期望有高嘅质素，不过收银员态度麻麻。而新之城都有两三间餐厅买嘢食，相反就冇旺角中心咁多人。