影片
更多
2020-09-29
2572 浏览
「祖尧邨」对小弟嚟讲，可以话既陌生，又熟悉，点解？陌生，喺因为从来无进入过呢条邨，熟悉，喺因为每每由美孚行上「华景山庄」（当行山），实经过「祖尧邨」，但只限外围。今次，卒之入邨喇，因为送个焗炉俾朋友，兼聚一聚，就相约晌邨内嘅茶记「彩龙船」食个下午茶。餐厅转咗老板，比以前喺集团「彩龙」经营时，质素提升咗，但环境依旧，两侧喺卡位，中间就一排细圆枱，装咗啲大电视俾客人电视捞饭。「祖尧邨」都好多年历史喇，听友人讲，都算喺条老人邨，所以，帮衬嘅都喺啲街坊客、家庭客，加上位置缩咗上去，就更无乜生客，相反，嚟嚟去去都喺𠮶批食客，店员跟食客有倾有讲，嘘寒问暖，更显得人情味浓。睇番以前啲食评，都会见到供应吓点心，大抵因为喺有酒楼集团嘅背景。但依家，卖嘅嘢就如惯常晌茶记所见嘅，早餐、午餐、茶餐、碟头饭餐、晚市小炒……等等。就连放晌枱上嘅餐牌，跟外卖纸一样，都喺平实版，只喺白纸黑纸嘅普通影印单色，无乜花巧。既然嚟下午茶，目标清晰，就向茶餐一栏睇睇。沙嗲牛肉包餐 $31呢度就无卖菠萝油，不过，沙嗲牛肉包都啱我，皆因茶记嘅沙嗲牛肉普遍都做得有一手，又喺百搭食材，早餐、午餐、常餐……等等都会有佢嘅踪影，定价亦都合
餐厅转咗老板，比以前喺集团「彩龙」经营时，质素提升咗，但环境依旧，两侧喺卡位，中间就一排细圆枱，装咗啲大电视俾客人电视捞饭。「祖尧邨」都好多年历史喇，听友人讲，都算喺条老人邨，所以，帮衬嘅都喺啲街坊客、家庭客，加上位置缩咗上去，就更无乜生客，相反，嚟嚟去去都喺𠮶批食客，店员跟食客有倾有讲，嘘寒问暖，更显得人情味浓。
睇番以前啲食评，都会见到供应吓点心，大抵因为喺有酒楼集团嘅背景。但依家，卖嘅嘢就如惯常晌茶记所见嘅，早餐、午餐、茶餐、碟头饭餐、晚市小炒……等等。
就连放晌枱上嘅餐牌，跟外卖纸一样，都喺平实版，只喺白纸黑纸嘅普通影印单色，无乜花巧。既然嚟下午茶，目标清晰，就向茶餐一栏睇睇。
沙嗲牛肉包餐 $31呢度就无卖菠萝油，不过，沙嗲牛肉包都啱我，皆因茶记嘅沙嗲牛肉普遍都做得有一手，又喺百搭食材，早餐、午餐、常餐……等等都会有佢嘅踪影，定价亦都合理。
面包用上巨型嘅潜水艇包款，大大个，算好有诚意，而且，包身烘到暖暖，质感非常软熟；包内塞满好多沙嗲牛肉，绝无欺场，牛肉腌得入味，口感软腍，但唔会好似揾啲松肉粉「乸」到散晒，个汁底又香浓惹味，份量啱啱好包住啲牛肉，唔会因为过多而泻到一手都喺。
热奶茶 喺小弟落茶记嘅心水至爱，更钟意传统嘅厚身茶杯，保温力强。杯奶茶有水准㖞，茶底醇厚芳香之余，口感都算细滑。所以，经常都话，晌茶记拣奶茶，真喺衰极都有个谱。 唯一要改善嘅地方，喺杯口有啲崩，怕啲老友记鎅亲口就唔好啦，换走去就大家都安心啲。
不经不觉，坐咗个几钟，坐到人哋茶市啲客都走晒，但突然有啲寂静感，老邨就喺咁样。所以，友情可贵，他朝大家都做咗老友记，都喺靠饮吓茶维系友情，彼此问候。
张贴
