影片
更多
2023-03-08
1367 浏览
完咗早上嘅聚会，因为下昼仲有另一场聚会，所以，要快闪食个午餐。今次就唔拣茶记，由朋友带我去试试呢间「新龙腾阁烧腊饭店」，佢话呢间啲烧味质素有一手，喺佢嘅饭堂之一。入到去，铺仔细细，真喺座位唔多，因为呢类烧腊饭店，主力都喺外卖使，俾啲人斩料拎返屋企加𩠌。内里嘅装修都喺旧一派嘅，而帮衬嘅客人都喺熟客或街坊居多。餐牌一大个贴晌墙上，都喺大家耳熟能详嘅烧味，而定价嘅范围都好大，平嘅有双拼饭餐，$44啫，贵嘅大脾拼饭餐，最贵可以去到$110，如果转烧鹅亦需另外加$16，饭品包一客例汤，如果唔钟意饮汤，亦都可以转港式饮品，但需另外价钱。熏蹄烧鹅饭加例汤 $60老友就唔介意加钱食烧鹅，因为佢喺识叹之人，因为我无问佢太多详情，所以，贴张相就算啦。不过，佢介绍得我试嘅，都喺有番咁上下质素，唔会叫我陪佢一齐伏嘅，此外，呢度啲饭量都好多，一大碗咁，肯定够饱肚。叉烧烧鸭饭加热奶茶 $46因为转烧鹅觉得唔喺好划算，反正我食烧鸭都OK，就配叉烧双拼。叉烧有肥叉、瘦叉、半肥瘦，呢度都好多弹性，拣咗瘦叉，啲叉烧真喺好靓仔，咬落去好松化，唔会好似柴干咁，又有少少㶶边位，调味啱啱好，富蜜香，而烧鸭都唔差，好有油香，沾上少
入到去，铺仔细细，真喺座位唔多，因为呢类烧腊饭店，主力都喺外卖使，俾啲人斩料拎返屋企加𩠌。内里嘅装修都喺旧一派嘅，而帮衬嘅客人都喺熟客或街坊居多。
餐牌一大个贴晌墙上，都喺大家耳熟能详嘅烧味，而定价嘅范围都好大，平嘅有双拼饭餐，$44啫，贵嘅大脾拼饭餐，最贵可以去到$110，如果转烧鹅亦需另外加$16，饭品包一客例汤，如果唔钟意饮汤，亦都可以转港式饮品，但需另外价钱。
熏蹄烧鹅饭加例汤 $60老友就唔介意加钱食烧鹅，因为佢喺识叹之人，因为我无问佢太多详情，所以，贴张相就算啦。不过，佢介绍得我试嘅，都喺有番咁上下质素，唔会叫我陪佢一齐伏嘅，此外，呢度啲饭量都好多，一大碗咁，肯定够饱肚。
叉烧烧鸭饭加热奶茶 $46因为转烧鹅觉得唔喺好划算，反正我食烧鸭都OK，就配叉烧双拼。叉烧有肥叉、瘦叉、半肥瘦，呢度都好多弹性，拣咗瘦叉，啲叉烧真喺好靓仔，咬落去好松化，唔会好似柴干咁，又有少少㶶边位，调味啱啱好，富蜜香，而烧鸭都唔差，好有油香，沾上少少冰梅酱，去腻一流。
睇样呢度应该喺好家庭式作业，同埋都喺好老一派嘅管理，但就人情味搭够。个阿姐招呼得几好，成日问我哋使唔使要多啲酱呀，总之多谢老友带我嚟试到啲高质素嘅烧味。
张贴
