影片
更多
2023-02-09
91 浏览
九龙城有好多泰国菜，花多眼乱唔知点拣好～见到呢间门面好多人，而且菜式都唔会千篇一律，几特别，就决定试吓佢😆！小店门面唔太大，坐落有少少逼，但环境都几干净，而且店员好亲切，服务态度加分！Menu嘅泰式料理比较特别，多元化同埋多啲选择，样样都想试，嚟多几次都唔过分！落单系自己填纸仔，咁就唔惊漏单嘅情况发生～------------------------------🥭◖青芒沙律◗ $63青芒爽脆嘅口感，捞埋泰式酸辣汁，食落酸酸甜甜，好清新开胃！仲落咗啲炸蒜同埋花生碎，食落几有口感！ 🧆◖串烧三拼（猪牛鸡）◗ $85呢个串烧有六串，净系要咗鸡同埋牛，大大串好抵食！鸡肉串烧去咗皮，食落鸡肉唔会好干柴，点佢个花生泰式酸辣汁食都几好；牛肉串烧烧好厚肉好大串，外层烧得微焦甜甜地，比较干身但一啲都唔韧，仲好香口，推荐！ 🎃◖南瓜焗海鲜饭◗ $104呢道菜比较少见，佢用咗原个南瓜装住海鲜炒饭，面头仲有一pat南瓜蓉，打卡一流！饭粒炒得够干身又香口，落咗啲海鲜同埋粒粒提子干，呢个组合好地道！用咗急冻海鲜所以食落冇咩鲜甜味，成个炒饭味道正常，但系佢嘅南瓜蓉几好食，好甜好绵密！ 🍹◖金不换菠萝沙冰◗ $
------------------------------
🥭◖青芒沙律◗ $63
青芒爽脆嘅口感，捞埋泰式酸辣汁，食落酸酸甜甜，好清新开胃！仲落咗啲炸蒜同埋花生碎，食落几有口感！
🧆◖串烧三拼（猪牛鸡）◗ $85
呢个串烧有六串，净系要咗鸡同埋牛，大大串好抵食！鸡肉串烧去咗皮，食落鸡肉唔会好干柴，点佢个花生泰式酸辣汁食都几好；牛肉串烧烧好厚肉好大串，外层烧得微焦甜甜地，比较干身但一啲都唔韧，仲好香口，推荐！
🎃◖南瓜焗海鲜饭◗ $104
呢道菜比较少见，佢用咗原个南瓜装住海鲜炒饭，面头仲有一pat南瓜蓉，打卡一流！饭粒炒得够干身又香口，落咗啲海鲜同埋粒粒提子干，呢个组合好地道！用咗急冻海鲜所以食落冇咩鲜甜味，成个炒饭味道正常，但系佢嘅南瓜蓉几好食，好甜好绵密！
🍹◖金不换菠萝沙冰◗ $30
食泰国嘢点可以少得沙冰！拣咗少甜，甜度啱啱好，金不换嘅味道比较出，系𠮶啲香草嘅味道，反而冇咩菠萝味！但整体成杯嘢好清新，唔会有种甜腻嘅感觉！
🌟Encore指数：8.5/10
张贴
