影片
更多
2020-09-30
433 浏览
近嚟星期五晚放工，我都会继续发掘深水埗／长沙湾区一带嘅餐厅。以前唔好食中菜🥢嘅我，口味慢慢转变紧，变得无咁抗拒。有见及此，我同朋友随即拣选咗「客家人」。晚饭时段七点几，餐厅坐满人，由于而家只可以四人一枱，枱同枱之间安排得比较疏落👍，食客故知然食得安心，坐得舒服。餐厅卖嘅菜式当然系客家菜，其实本身我对呢方面无乜认识，后尾先知原来普通酒楼都有卖嘅梅菜扣肉同埋三杯鸡等菜式都系客家菜😳。两个人，一汤一肉一菜，份量啱啱好。由于想食哂啲𩠌唔打包，所以我哋只系叫咗一碗🍚白饭($13)。农家炆炖扣肉($108)，梅菜扣肉系非常邪恶嘅食物，我对佢又爱又恨🙈。呢度嘅扣肉真系好出色，因为肥瘦度对我嚟讲系完美比例。店员话佢哋特意拣啲唔系太肥嘅猪肉🐷，因为大众对饮食健康嘅关注多咗。扣肉真系忟至入口即化嘅口感，咁就避免咗肥膏停留喺口腔耐咗而产生嘅油膉味道，好好食呀😋。我第一次一餐食多过一件，再加上其实佢一件都好大件，好长身。下面嘅梅菜就好入味，又唔会过咸，捞饭食绝配。胡椒客家咸菜猪肚汤($138)，汤品好大窝🍲，四个人都够饮，最重要系热辣辣送入口中。猪肚汤用上好多料煲，呢度嘅咸酸菜唔单止得酸菜脯，而且仲有有菜叶嘅
近嚟星期五晚放工，我都会继续发掘深水埗／长沙湾区一带嘅餐厅。以前唔好食中菜🥢嘅我，口味慢慢转变紧，变得无咁抗拒。有见及此，我同朋友随即拣选咗「客家人」。
晚饭时段七点几，餐厅坐满人，由于而家只可以四人一枱，枱同枱之间安排得比较疏落👍，食客故知然食得安心，坐得舒服。
餐厅卖嘅菜式当然系客家菜，其实本身我对呢方面无乜认识，后尾先知原来普通酒楼都有卖嘅梅菜扣肉同埋三杯鸡等菜式都系客家菜😳。
两个人，一汤一肉一菜，份量啱啱好。由于想食哂啲𩠌唔打包，所以我哋只系叫咗一碗🍚白饭($13)。
农家炆炖扣肉($108)，梅菜扣肉系非常邪恶嘅食物，我对佢又爱又恨🙈。呢度嘅扣肉真系好出色，因为肥瘦度对我嚟讲系完美比例。店员话佢哋特意拣啲唔系太肥嘅猪肉🐷，因为大众对饮食健康嘅关注多咗。
农家炆炖扣肉
$108
14 浏览
0 赞好
0 留言
胡椒客家咸菜猪肚汤
$138
14 浏览
0 赞好
0 留言
金银蛋浸时菜
$88
5 浏览
0 赞好
0 留言
金银蛋浸时菜($88)，时菜有得拣生菜、菜芯同小白菜等🥦。我哋要咗最后者，原来扣肉底都有小白菜，早知嗌第款啦，但唔太大影响嘅。呢碟菜都好味道啵，金银蛋(即皮蛋同咸蛋)为蔬菜带来咸香，无蒜蓉炒咁单调，唔错唔错。
食物味道好之外，老板娘同店员们都好好礼貌。佢哋话之前喺太子开咗十几年店，上年先搬过嚟长沙湾呢边，而且师傅仲跟埋一齐嚟👨🏼🍳。言谈间老板娘问点解唔试吓黄酒煮鸡汤，我哋话惊酒味太劲唔啱饮。随即佢就走咗入厨房倒咗杯黄酒俾我哋试下🙈，超好人。原来黄酒系由佢哋自家酿制，味道甜甜地都OK㖞。
堂食以外，餐厅亦推出咗个抗疫外卖二人套餐🥡，$168包几款招牌𩠌，正啊。
总括嚟讲，呢餐系人情味满满嘅客家菜晚餐，菜式正宗又好食，梅菜扣肉真系不得了！其实今晚嘅量只要嗌多碗白饭三个人都够食啊。有机会我都可以中午嚟帮衬下午餐😛～。
最后，详细餐牌上载供大家参考🙏🏻。
张贴
