聯興茶餐廳

营业中

休息中

前几日同个住黄大仙的朋友去左沙田坳道个到行山，食完之后，佢同我讲系凤凰村个边有间茶餐厅佢食开，好正好好味，所以我地去左食。餐厅仲会提供纸袋比人袋口罩，方便食客唔怕唔知放边同整污糟口罩。我地去到就食左一个下午茶炒粉炒面餐，拣左金菇肥牛炆伊面43蚊，同埋一个净云吞，因为我朋友话好耐无食，好想食，所以就叫埋，饮品就拣朋友介绍的个两杯，椰汁红豆冰同冻柑柠梳打。我朋友钟意饮红豆冰系因为呢间的红豆冰椰味好重，同出面食个啲沟好多水、花奶、冰粒好唔同，而且红豆冰仲会连埋冰一齐打碎，冻得嚟又唔会沟淡椰味。而至于柑柠梳打方面，有少少似咸柑桔，但系就无咁咸同埋就算笃烂都唔系太酸，原来个老板娘话系泰国入口的西柠，因为系西柠所以就唔会太酸，亦都有小清新的感觉。净云吞都有7粒，汤底清清甜甜，连埋云吞饮都好好味，最正系无碱水味，虾都大只同爽口，食得出系自家包。金菇肥牛炆伊面就出面比较少有，至少我比较少见，料都好多，绝不吝啬，伊面炆得入味，但又唔会好湿同太干，我个觉得啱啱好，恰到好处。而且佢仲有咁多唔同的下午茶餐，连早餐个啲都仲到6点，可以加钱转配咁好饮的红豆冰，真系不错的推介。