華南冰室 (已結業)

有朋友嚟香港玩幾日想食菠蘿油，我哋咁啱經過深水埗就入咗呢間冰室，因為見佢比較懷舊。入到去坐低覺得時空停留左係八九十年代般，因為係平日下午茶時段，所以好多街坊嚟幫襯，食客一路睇報紙傾計一路食，相當享受慢活生活。店員好親切，會同熟嘅街坊傾計， 又會知道佢哋想叫d咩食物。我地叫咗一個鮮菠蘿油share。本身好期待，但食落發覺一般。因為菠蘿油唔夠熱，入面塊牛油好似啱啱喺雪櫃拎出嚟放入包入邊咁，如果菠蘿包熱d令牛油溶化會好食好多，菠蘿包表面亦都唔夠脆，所以連外國朋友都話有啲失望。至於奶茶就同普通茶餐廳無異，夠滑夠濃。