Owens (砵蘭街)

营业中

休息中

是夜与朋友庆祝生日及聚旧，选择了呢间热门好评的太子cafe。虽然已订座，但来到时仍需稍等一会，但店员服务周到，在未入座前尽量安排座位，边坐边叹住冷气睇menu先。先尝一款小食 - 薯条三兄弟，香脆可口的薯条一向都老少咸宜，三兄弟代表咩？其实系代表3款味道的酱汁：芥末酱、松露酱、明太子酱，大爱明太子酱，齿颊留香，赞。店员仲问要唔要埋四兄弟，原来系指茄汁，哈哈！主菜方面，我哋点咗3道菜。法式牛肝菌软壳蟹意大利饭的分量比想像中多，尤其是软壳蟹，大大只，share住食都好开心；北海道带子墨鱼汁意大利粉，估唔到表面光滑的意粉都几挂汁，加上带子亦都系大大粒，滋味非常，好抵食；最后纽西兰顶级肉眼牛扒，肉厚又够juicy，唔使沾旁边的烧肉汁都已经好正，值得推介。因为朋友生日，餐厅话喺甜品上面可以有生日牌，以及朱古力写字，其实咁样已经觉得餐厅好好，点知餐厅突然送上一道甜品，话系餐厅送的，好感动呀，感谢餐厅的小心意。