餃里 (悅湖商場) (裝修中)

唔可以堂食，噤只好外买返屋企食啦！一路都想试一下屯门码头的饺子外卖店，就趁呢个机会去买啲饺子返屋企食，去到饺子店见到店面装修得都好有品味，仲有几个人排队买紧饺子，咁就更加放心一试啦，因为第一次食所以样样都想试下，咁就不如买两个包含9只饺子嘅套餐，一个系汤饺套餐，包含韭菜，椰菜和香荽饺子，一个系煎饺套餐，包含咖哩，芝士粟米同埋泡菜饺子，但又怕唔够饱，所以叫咗个汤面同埋一个捞面，汤面我就选择咗分汤加多两蚊，等咗五六分钟就已经全部预备好啦，仲有酱汁醋同埋酸萝卜𩠌㖭。可能住得近返到屋企打开全部都仲系热辣辣，首先张汤倒到返落个汤面𠮶度然后整返软佢，面嘅质地唔错好软滑，椰菜，韭菜同埋香荽嘅饺子食落都好好味，啲皮亦都唔算厚，而咖哩饺子就真系好有特色，泡菜饺子食落更加美味，芝士粟米饺子亦都好香芝士味，值得推介，捞面辣辣地都好开胃。最初以为9只饺子唔多，原来食落都好饱，好彩啲面都好好味，一个好满足嘅外卖套餐。