祥記美食

营业中

休息中

之前跟和你Pay揾到一间好正嘅街坊小黄店，舖仔细细但食物选择劲多，价廉物美，午市客饭或即炒粉炒面连饮品只系$40左右，仲要系即叫即整又好食，阿姐同哥哥仔劲有礼貌👍 ，绝对可以做饭堂！讲返食物质素，真系超值，无论系我自己单拖定系同埋同事一齐去食，平均一个星期最少食一次，我自己就算日日食都唔会觉得闷，因为除咗餐牌上有嘅嘢之外，只要你叫得出而佢哋又有材料嘅，阿姐都会整俾你。我自己最钟意食佢嘅凉瓜牛肉炒面，面身有蛋香，既有脆脆面又有弹牙淋身部份，凉瓜保留咗佢嘅鲜甜味之余又有微微天然苦涩味，牛肉有腌过所以唔会好韧，但又唔系用松肉粉”嗱”到无哂味𠮶只，加上佢落咗豆豉炒，所以又香又惹味，最重要系食咗咁多次，次次食到尾都无话碟底剩返一大滩油，抵赞👍另外我哋基本上都试咗佢哋大部份嘅碟头饭、炒粉面饭、车仔面、三文治同小食，次次我同同事都觉得好味，无话有伏，至于饮品方面都系正常茶记质素，难得嘅系佢哋有鲜榨果汁、夏枯草及豆浆，同事最爱西瓜汁，我饮过五青汁都系好新鲜，其中西芹味最重，但怕草青味的朋友就未必接受到。