影片
更多
2023-08-17
559 浏览
家传芋晓💚蚵仔煎 $42美禄朱古力香蕉煎饼 $35仙草3号(仙草 地瓜圆 芋圆 珍珠 椰果) $36人均消费: $56.5 (2人)-蚵仔煎🦪本身以为好似台湾𠮶只湿嘅蚵仔蛋咁🦪🥚印象中 台湾𠮶啲杰挞挞 好似鼻涕咁 点知佢出到嚟 系外脆内软👻食落去好烟韧 好似糯米糍嘅咁烟靭应该可能落多咗糯米粉/木薯粉🤔佢系更加硬啲 一块实体嘢多啲 同埋真系暖笠笠🔥配料有芫荽 生菜 蚝仔佢入边夹杂住啲芫荽🌱我唔系咁钟意🥺所以唔钟意芫荽嘅 记得要走荽！佢Menu冇写到有啲咩材料所以大家注意下啲芫荽⚠️另外 𠮶啲生菜都几新鲜 系切开咗🥬唔系一大块 细细一片片咁 佢啲蚝仔好似比较少🥺但佢好似剩系得一个位有蚝仔 咁就俾人感觉 食好耐都未食到蚝仔 唔知系咪因为煮法嘅问题 啲蚝仔主要都集中喺中间🤔但未必真系痴住咗蚵仔煎𠮶个饼底 食落去 入口即溶 同埋偏少少腥同酸 佢仲有提供一个酱汁 类似泰式辣酱🧂都几match嘅 同蚵仔煎有个酱 辣辣地 几开胃 可以点嚟食🤤整体上 都几饱肚不过就好多油 未必太过建议嗌蚵仔煎🥹．美禄朱古力香蕉煎饼🍫🍌个香蕉煎饼 好正🤤因为好少见到美禄 多数都系用榛子🌰佢偏向煎到冇咁脆卜卜 系厚身啲我都
蚵仔煎 $42
美禄朱古力香蕉煎饼 $35
仙草3号(仙草 地瓜圆 芋圆 珍珠 椰果) $36
人均消费: $56.5 (2人)
-
蚵仔煎🦪
本身以为好似台湾𠮶只湿嘅蚵仔蛋咁🦪🥚
印象中 台湾𠮶啲杰挞挞 好似鼻涕咁
点知佢出到嚟 系外脆内软👻
食落去好烟韧 好似糯米糍嘅咁烟靭
应该可能落多咗糯米粉/木薯粉🤔
佢系更加硬啲 一块实体嘢多啲
同埋真系暖笠笠🔥
配料有芫荽 生菜 蚝仔
佢入边夹杂住啲芫荽🌱
我唔系咁钟意🥺
所以唔钟意芫荽嘅 记得要走荽！
佢Menu冇写到有啲咩材料
所以大家注意下啲芫荽⚠️
另外 𠮶啲生菜都几新鲜 系切开咗🥬
唔系一大块 细细一片片咁
佢啲蚝仔好似比较少🥺
但佢好似剩系得一个位有蚝仔
咁就俾人感觉 食好耐都未食到蚝仔
唔知系咪因为煮法嘅问题
啲蚝仔主要都集中喺中间🤔
但未必真系痴住咗蚵仔煎𠮶个饼底
食落去 入口即溶
同埋偏少少腥同酸
佢仲有提供一个酱汁 类似泰式辣酱🧂
都几match嘅 同蚵仔煎
有个酱 辣辣地 几开胃 可以点嚟食🤤
整体上 都几饱肚
不过就好多油 未必太过建议嗌蚵仔煎🥹
．
美禄朱古力香蕉煎饼🍫🍌
个香蕉煎饼 好正🤤
因为好少见到美禄 多数都系用榛子🌰
佢偏向煎到冇咁脆卜卜 系厚身啲
我都几钟意 煎饼薄皮 都比较厚身啲
成个都比较饱肚
入边有一片片嘅香蕉 仲有啲香蕉蓉🍌
可以直接食到香蕉
都几有香蕉味 即叫即整🍌
所以都可以暖笠笠食🔥
同埋都几多料👻
佢都比较多酱同埋粉
上面就落咗美禄粉 都几特别😝
啲美禄粉遇到湿咗𠮶啲酱汁
会偏向有啲好似整嘢饮一嚿嚿咁
好似糖嘅感觉🍬
佢上面仲送多咗两条蕉嘅切片🍌
整体香蕉煎饼嘅甜度
因为落咗美禄粉
所以唔系话太甜甜 都接受到🫶🏽
呢个价钱OK
．
仙草3号(仙草 地瓜圆 芋圆 珍珠 椰果)🥣
所有配料都好好食🤤
不过整体上 感觉偏甜
个糖水太甜 所以唔系太想饮🥺
可能惯咗普遍出面系落奶
唔系太接受到𠮶种甜
配料有仙草 芋圆 地瓜圆 椰果 珍珠
🖤仙草🖤唔系好甜𠮶啲 淡味d
偏向啫喱 冇咁Q嘅质地
普通仙草味 苦苦甘甘地😝
🥥椰果🥥偏甜啲
加埋𠮶啲糖水 就甜上加甜😶
加返个仙草 咁就差唔多🤭
💣珍珠💣偏向烟靭
系淋身啲嘅烟靭 唔系弹性𠮶种烟靭🤣
系有咬口嘅 可能都系自己整
所以有啲珍珠会黐埋咗一齐🤪
🍡芋圆🍡都有咬口
都会一咬即断 又可能要咬咗几下先
够晒大粒 份量都足够嘅
虽然冇数到exactly有几多粒
但都几足料👻
·
以上评价 同🐖一齐写
所以带返头盔先👷🏽
-
29/5/2023 ate
个姨姨好Nice🥰
好热情咁样问我哋使唔使坐喺度食🪑
嗌我做阿妹 话我可爱 氹到我好开心😚
应该家庭式经营🏠
全部嘢食 除咗芋圆 都系即叫即整 热辣辣
入边都有餐具🍴
同埋啲店员都几Nice🥰
-
有兴趣嘅朋友仔 可以试吓👇🏽
家传芋晓 (天水围)💚
天水围天秀路8号天一商城2楼2069号舖
·
好味程度：🌕🌕🌕🌗🌑
抵食程度：🌕🌕🌕🌑🌑
环境靓靓：🌕🌕🌕🌑🌑
服务态度：🌕🌕🌕🌕🌕
会回头率：🌕🌕🌕🌑🌑
·
#od天水围觅食之旅 #od食扫街 #od食台湾嘢
·
希望大家身体健康 开心快乐💛
张贴
