新興食家

营业中

休息中

其实我哋都唔系第一次帮衬新兴食家，上次帮衬之后一直都好想再试，不过是隔咗几个月先至可以嚟呢度再试。上次食咗好多点心，觉得好好味，今次就专登再叫多D上次冇食过嘅。首先就系呢度特有嘅春蛋烧卖，我真系未喺其他地方见过，呢一个系来新兴食家必试嘅点心另一个必试就喺呢度黄金金钱肚啦，金钱肚个质地好软滑，同呢个咖喱酱好夹。虾饺就食得多但系金菇瑶柱虾饺你有冇试过呀，呢一个虾饺你系呢度嘅特色嚟嘅咬落去啲金菇瑶柱同虾都好夹好弹牙。流心奶黄包又系另一道必试，流心蛋黄甜得来不溜，热热流心，系人间美食啊。最后讲一讲呢度嘅人情味，呢度嘅员工系好热心，我哋出去攞点心嘅时候冇攞托盘，个传送嘅姐姐就温馨提示我哋要小心啲蒸笼好热，连登佢攞个托盘俾我哋添。另外我亦都见到佢哋会为其他食客预备外卖，仲问埋佢哋几点嚟攞等佢哋可以预时间煮，将新鲜煮好嘅𩠌菜比食客，呢一个服务我就觉得非常一流啦。